उशीरा बापुरोजी देशमुख बेस्ट बँक कर्मचारी पुरस्कार

तपशील

विना सहकार नाही उद्धार!’ या उद्देशाने स्थापन झालेल्या सहकार क्षेत्रामध्ये बँक गेल्या अनेक वर्षांपासून कार्यरत आहे. तसेच सहकारी संस्थांना उभे करण्यात बँकेने योगदान दिले आहे. आपण गेल्या 23 वर्षांपासून महाराष्ट्रातल्या अग्रगण्य दि महाराष्ट्र राज्य सहकारी बँकेत आपण उल्लेखनीय सेवा बजावत आहात. व्यवस्थापक म्हणून राज्य सहकारी बँकेच्या ध्येय-धोरणांना अनुसरून आपण उत्तम कार्य करत आहात. बँकेच्या नावलौकिकात भर घालण्यासाठी आपण केलेले कार्य कौतुकास्पद आहे. तळागाळातील नागरिकांच्या आर्थिक विकासाला बळ देण्याबरोबरच, सहकारी संस्थांचे पदाधिकारी-अधिकारी यांना प्रशिक्षण देणे, माहिती आणि तंत्रज्ञान क्षेत्रातील नवनवीन तंत्रज्ञानाची माहिती करून देणे, सहकारी संस्थांना आवश्यक मार्गदर्शन करणे अशा विविध उपक्रमांमध्ये आपला सक्रिय सहभाग उल्लेखनीय आहे.

तपशील

‘एकमेकां सहाय्य करू; अवघे धरू सुपंथ!’ या विचाराने प्रेरित होऊन देशातील सहकार क्षेत्र आणि सहकारी चळवळीमध्ये महाराष्ट्र राज्यातील सहकार चळवळ सर्वाधिक यशस्वी झाली आहे. महाराष्ट्राला देशातील एक अग्रगण्य राज्य बनवण्यामध्ये या सहकार क्षेत्र आणि सहकार चळवळीचा सिंहाचा वाटा आहे. अशा सहकार चळवळीत गेल्या 32 वर्षांपासून आपण ध्येयनिष्ठ कार्य करत आहात. आपण गेल्या 13 वर्षांपासून दि महाराष्ट्र स्टेट को-ऑपरेटिव्ह बँकेच्या विविध पदांवरील जबाबदार्या पार पाडत आज सहाय्यक व्यवस्थापक म्हणून कार्यरत आहात. राज्याच्या शिखर स्तरावरील दि महाराष्ट्र स्टेट को-ऑपरेटिव्ह बँकेच्या माध्यमातून विविध सहकारी संस्थांना सातत्याने मार्गदर्शन करणे, सहकारी संस्थांचे पदाधिकारी-अधिकारी यांना सुयोग्य प्रशिक्षण देणे, आजच्या काळातील अतिशय महत्त्वाच्या माहिती आणि तंत्रज्ञान क्षेत्रातील नावीन्यपूर्ण तंत्रज्ञानाची माहिती करून देणे, त्याचबरोबर या सहकारी संस्थांतील घटकांना ‘आयएसओ’ हे आंतरराष्ट्रीय दर्जाचे मानांकन प्रमाणपत्र मिळण्याकरता आवश्यक ते मार्गदर्शन करणे, अशा प्रकारच्या विविध कार्यामध्ये आपला सक्रिय सहभाग आहे.