कै.वसंतदादा पाटील बेस्ट अर्बन को-ऑप. बँक पुरस्कार

Banks Award

पारितोषिक विजेते

महाराष्ट्राच्या कानाकोपऱ्यातील विजेते प्रेरणास्थान म्हणून उदयास आले आहेत, जे राज्याची वैविध्यपूर्ण प्रतिभा आणि उत्कृष्टतेचा अथक प्रयत्न दर्शवतात.

उत्तर कॅनर जीएसबी कॉपीरेटिव्ह बँक

1994

दि कोडोली अर्बन को-ऑप. बँक लि., कोडोली, जि.कोल्हापूर

2023

दि कोडोली अर्बन को-ऑप. बँक लि., कोडोली, जि.कोल्हापूर

2023

तपशील

सन 1962 हे आपल्या बँकेचे स्थापना वर्ष. गेल्या 61 वर्षांपासून आपण परिसरातील अनेक गरजू सभासदांना तातडीने कर्जपुरवठा करून त्यांच्या अनेक समस्या सोडविल्या आहेत. हीरक महोत्सवी वाटचाल पूर्ण करून आपण अमृत महोत्सवाकडे उत्तम कार्य करत वाटचाल सुरू केली आहे. सहकार क्षेत्रातल्या आपल्या ठेवीदार आणि सभासद बांधवांचे सहकार्य आपल्याला नियमितपणे मिळत आहे. परिसरात अचानकपणे नैसर्गिक आपत्ती आल्यास आपण बँकेच्या माध्यमातून धावून जातात आणि प्राधान्याने आर्थिक सहकार्य करतात. परिसरातील सांस्कृतिक कार्यक्रमांना आपले पाठबळ लाभत असते. सभासदांच्या पाल्यांचा दरवर्षी यथोचित गौरव करणे आणि त्यांच्या उच्च शिक्षणासाठी कमी व्याजदरात कर्ज उपलब्ध करून देत त्यांचे भविष्य सुदृढ बनवण्याचे पाऊल आपण उचलले आहे. महिला बचत गटांना कमी व्याजदरात कर्जपुरवठा करत बचत गटांच्या माध्यमातून महिलांचे सबलीकरण करण्यामध्ये आपण पुढाकार घेतला आहे. अतिशय उत्तम व्यवस्थापन आणि भारतीय रिझर्व बँकेच्या मार्गदर्शक सूचनांनुसार आपल्या बँकेची कार्यप्रणाली अद्ययावत आणि उत्तम अशी आहे. आपल्या बँकेने ग्राहकांसाठी लखपती ठेव योजना, कोडोली अर्बन ठेव योजना, लखपती रिकरिंग ठेव योजना, अशा विविध योजनांची निर्मिती करून ग्राहकांसाठी मोठी संधी उपलब्ध करून दिली आहे. या योजनांना ग्राहकांनी अतिशय उत्तम प्रतिसाद देऊन बँकेवर विश्वास व्यक्त केला आहे. बँकेस आतापर्यंत कोल्हापूर जिल्हा बँक असोसिएशन यांचे मानाचे दोन जिल्हास्तरीय पुरस्कार, एमएससी बँक असोसिएशनचा राज्यस्तरीय पुरस्कार तसेच बँको या अग्रगण्य संस्थेचे दोन पुरस्कार असे मानाचे विविध पुरस्कार प्राप्त झालेले आहेत

साई संजीवनी को-ऑप. बँक लिमिटेड, कोपरगाव, जि.अहमदनगर

2023

साई संजीवनी को-ऑप. बँक लिमिटेड, कोपरगाव, जि.अहमदनगर

2023

तपशील

रौप्यमहोत्सव साजरा केलेल्या आपल्या बँकेने गेली अडीच दशके सहकार आणि इतरही क्षेत्रात उल्लेखनीय कार्य केले आहे. सहकारी पतसंस्थांकरता आपण सातत्याने शिबिरे आयोजित करता, ह्या शिबिरांतील मार्गदर्शनामुळे सहकारी पतसंस्थांमधील सभासदांचा अर्थव्यवस्थापनाबाबतीत असलेला दृष्टिकोन व्यापक होण्यास मदत होते. आपल्या बँकेकडून होणारे हे योगदान महत्त्वाचे आहे. ज्येष्ठ नागरिकांचे अनेक प्रश्न सध्या समाजासमोर येत आहेत. ह्यांतील सर्वात कळीचा प्रश्न पैशाच्या बाबतीत असतो. आपल्या बँकेने ह्या प्रश्नासंबंधी मार्ग काढून सामाजिक क्षेत्रात साहाय्य करण्याच्या दृष्टीने एक उदाहरण घालून दिले आहे. असहाय वृद्धांना आर्थिक साहाय्य केले, तर त्यांचे उर्वरित आयुष्य त्यांना शांतपणे जगता येते, हे ओळखून आपण सातत्याने अशा एकल वृद्धांना आर्थिक मदतीचा हात देऊन, एक प्रकारे त्यांची सेवा करता. ऊसतोड कंत्राटदारांना वैयक्तिक कर्ज देऊन आपण नव्या उद्योजकांना प्रोत्साहित करत असता. विद्यार्थी आपल्या देशाचे उज्ज्वल भविष्य आहेत, हे लक्षात घेऊन आपण गरजू विद्यार्थ्यांना आवश्यक असलेल्या वस्तूंचे वाटप करता. तसेच गुणवंत विद्यार्थांचे सत्कार करता, जेणेकरून ह्या विद्यार्थ्यांच्या मनातील शिकण्याची उमेद वृद्धिंगत होईल. आपली बँक समाजाच्या अनेक क्षेत्रात सातत्याने नवे उपक्रम राबवत आहे. परिसरातील नागरिकांना अर्थव्यवहाराबद्दल नवी दृष्टी देत आहे. आपल्या ह्या उपक्रमशीलतेबद्दल, सहकार क्षेत्रातील कार्याबद्दल आपल्या बँकेला प्रतिष्ठेच्या पुरस्कारांनी सन्मानित करण्यात आले आहे. ते बँकेच्या वाटचालीला निश्चितच बळ देणारे आहे.

श्री व्यास धनवर्षा सहकारी बँक लि., यावल, जि.जळगाव

2023

श्री व्यास धनवर्षा सहकारी बँक लि., यावल, जि.जळगाव

2023

तपशील

ग्रामीण भागात सहकार चळवळ रुजावी ह्या उद्देशाने स्थापन झालेल्या आपल्या बँकेने त्यादृष्टीने यशस्वी वाटचाल केली आहे. भविष्यातही ती चालू राहावी ह्या हेतूने आपल्या बँकेने हाती घेतलेले उपक्रम सुयोग्य आहेत. आपल्या बँकेने समाजाच्या तळागाळातील उपेक्षितांनाही सहकार्याचा हात दिला आहे. उद्योजकता वाढीस लागण्याकरता बँकेने निरनिराळे प्रयोग केले, जे यशस्वी झाले. समाजचक्र व्यवस्थित चालण्याकरता समाजघटकांचे आरोग्य सुदृढ असणे गरजेचे असते, त्यादृष्टीने आरोग्य शिबिरांचे आयोजन करून वैद्यकीय सुविधा उपलब्ध करून दिल्या. ऐतिहासिक महत्त्व असलेल्या यावल मध्ये आपल्या बँकेनेही सांस्कृतिक वैभव जपण्याचे आपले व्रत ध्येयबुद्धीने सतत चालू ठेवले. शहराच्या आणि परिसराच्या सांस्कृतिक पर्यावरणाची नैतिक जबाबदारी घेऊन प्रत्येक वेळी सांस्कृतिक कार्यक्रमांना योगदान दिले. स्वतःची शिक्षण संस्था असलेले असे तीन संचालक आपल्या बँकेला लाभले. शिक्षणाचे महत्त्व आपणा सर्व व्यवस्थापकांना कळले असल्यामुळे, गरजू मुलांना आपल्या बँकेने कायम, खंबीर आधार दिला. विद्यार्थ्यांना बँकेचे कामकाज कळावे म्हणून आपण त्यांच्याकरता विशेष बँक-भेटीचे आयोजन करता. तसेच गरजू विद्यार्थ्यांकरता गरजपूर्ती कर्ज-वाटप उपक्रम राबवून त्यांच्या शैक्षणिक वाटचालीला बळ देत आहात. गरजू महिलांच्या हातून रोजगाराच्या, उद्योगाच्या संधी जाऊ नयेत, ह्याकरता आपण सजग आहात. त्या दृष्टीने कमी व्याज दराने राबवलेली महिला सन्मान योजना, महिलांकरता संगणक प्रशिक्षण इत्यादी प्रकल्प आपण प्रत्यक्षात आणले आहेत. सुशिक्षित युवक-युवतींना विना तारण गरजपूर्ती योजना, अत्यल्प दरात कर्जाची उपलब्धी असे उपक्रम म्हणजे नव्या पिढीप्रती बँकेस असलेल्या आशावादाचे द्योतक आहे. सभासद आणि ग्राहक हे बँकेचा आत्मा आहेत, असे प्रमाण मानून आपल्या बँकेत कामकाज पाहिले जाते. बँकेच्या ग्राहकाच्या गरजेनुसार आपण त्या ग्राहकाला कर्ज उपलब्ध करून देता. भाजी विक्रेते, लहान दुकानदार, टपरी चालक यांना रोजगारासाठी कर्ज देऊन त्यांच्याकडून वेगाने परतफेडही झाली आहे. समाजाप्रती असलेल्या आपल्या निष्ठेच्या आणि सेवेच्या जाणीवेतून आजपर्यंत आपल्या बँकेला अनेक पुरस्कारांनी गौरविण्यात आले आहे.

श्री गजानन नागरी सहकारी बँक लि., बीड, जिल्हा बीड

2023

श्री गजानन नागरी सहकारी बँक लि., बीड, जिल्हा बीड

2023

तपशील

उत्तम व्यवस्थापन आणि भारतीय रिझर्व बँकेच्या मार्गदर्शक सूचनांनुसार आपल्या बँकेची कार्यप्रणाली अद्ययावत आणि उत्तम अशी आहे. बँक क्षेत्राशी संलग्न असलेल्या इतर क्षेत्राचे सक्षमीकरण करणे, हे आपल्या व्यवस्थापनाचे उद्दिष्ट स्तुत्य आहे. त्या अनुषंगाने आपण अनेक विधायक उपक्रम आयोजित करत असता, ज्यामध्ये प्रशिक्षण वर्ग, मार्गदर्शनपर मेळावे, शिबिरे इत्यादींचा समावेश आहे. आपल्या बँकेचे सहकार क्षेत्रातील कार्य दिशादर्शक आहे. सभासदांना रौप्य महोत्सवानिमित्त चांदीचे नाणे वाटप, पर्यावरण संतुलनासाठी वृक्षारोपण करणे तसेच आधुनिक तंत्रज्ञानाचा अधिकारी व कर्मचार्यांना लाभ व्हावा यासाठी बँकिंग क्षेत्रातील तज्ञांमार्फत वेळोवेळी प्रशिक्षण कार्यशाळेचे आयोजन करण्यात येते, त्यातून बँकेची आधुनिक विचारांची वाटचाल दिसून येते. विद्यार्थी आपल्या देशाचे उज्ज्वल भविष्य आहेत, हे लक्षात घेऊन आपण गरजू विद्यार्थ्यांना आवश्यक असलेल्या वस्तूंचे वाटप करता. तसेच गुणवंत विद्यार्थांचे सत्कार करता, जेणेकरून ह्या विद्यार्थ्यांच्या मनातील शिकण्याची उमेद वृद्धिंगत होईल. निष्ठेने, मेहनतीने करत असलले कुठलेही काम कर्तृत्वाच्या पंखांना बळ देते आणि स्वप्न साकारण्याचा मार्ग सुकर करते. संस्थेच्या विकासासाठी मेहनत, व्यवस्थापन कौशल्य आणि गुणवत्तापूर्ण सेवेस फार महत्त्व असते. आत्मविश्वास, निर्णयक्षमता, दृढनिश्चय या बळावर यशस्वी होण्याचा मार्ग सुकर होतो आणि निश्चित यश प्राप्त होते. तोच विचार आपल्या बँकेने कृतीशील कार्यातून सिद्ध केला आहे. आपण करीत असलेले ग्राहकसेवेचे कार्य असेच प्रेरणादायी आणि विश्वासार्ह आहे. आपल्या बँकेच्या दैदीप्यमान कार्याबद्दल दि महाराष्ट्र अर्बन को-ऑप.बँक फेडरेशन लि., मुंबईतर्फे सलग तीन वर्षे ‘सर्वोत्कृष्ट बँक’ पुरस्कार मिळालेले आहे. तसेच अविज् पब्लिकेशन्स् कोल्हापूरतर्फे बँको पुरस्कार बँकेच्या वाटचालीसाठी दिशादर्शक आहेत.

कृष्णा अर्बन को-ऑपरेटिव्ह बँक लि., केज, जि.बीड

2023

कृष्णा अर्बन को-ऑपरेटिव्ह बँक लि., केज, जि.बीड

2023

तपशील

सन 1997 मध्ये स्थापन झालेल्या आपल्या बँकेने रौप्य महोत्सव साजरा करत सभासदांच्या दैनंदिन आर्थिक गरजा प्राधान्याने भागवल्या आहेत. ग्रामीण भागातील गरजू लोकांना आणि शेतकरी बांधवांना स्वस्त दरात कर्ज उपलब्ध करून देत सहकार क्षेत्रात अनोखा आदर्श निर्माण केला आहे, त्याचबरोबर बँकेच्या वतीने गंभीर आजारी असणार्या बँकेच्या सभासदांना आर्थिक मदत देण्यात येते. बँकेच्या कार्यक्षेत्रातील गरीब आणि गरजू सभासदांच्या मुलींच्या लग्नासाठी आणि मुलांच्या शिक्षणासाठी बँक आर्थिक मदत करत सामाजिक क्षेत्रातही आपण करत असलेले काम उल्लेखनीय आहे. स्वातंत्र्य दिन आणि प्रजासत्ताक दिनी रांगोळी स्पर्धांचे आयोजन करून यशस्वी विद्यार्थिनींचा सन्मान करण्यात येतो. अशा प्रकारचे सांस्कृतिक कार्य करून कलावंतांच्या पाठीवर शाबासकीची थाप आपण देत असता. बँकेच्या वार्षिक सर्वसाधारण सभेत वेगवेगळ्या क्षेत्रातील गुणवंत विद्यार्थी आणि विद्यार्थिनींचा सन्मान करून त्यांच्या शैक्षणिक यशाबद्दल गौरविले जाते. बँकेच्या वतीने बचत गटांचे मेळावे घेऊन बँक खाते सुरू करणे, बचत गटांच्या व्यवसाय वाढीसाठी कर्ज देणे अशा प्रकारचे मार्गदर्शन केले जाते. परिसरातील बेरोजगार युवक-युवती यांना व्यवसायातील नवीन संधी याबाबत मेळाव्यांच्या माध्यमातून मार्गदर्शन करण्यात येते. बँकेच्या रौप्य महोत्सवी वर्षाच्या निमित्ताने बँकेच्या सभासदांना ठेवींवर व्याजदर वाढविण्यात आला आणि कर्जावरील व्याज कमी करण्यात आल्याने बँकेचे सभासद, ठेवीदार आणि हितचिंतक यांनी समाधान व्यक्त केले. बँकेला सन 2020, 2021 आणि 2022 अशी सलग तीन वर्षेबँको ब्ल्यू रिबन पुरस्कार मिळाले आहेत.

भाऊसाहेब सहकारी बँक लिमिटेड, उदगीर, जि. लातूर

2023

भाऊसाहेब सहकारी बँक लिमिटेड, उदगीर, जि. लातूर

2023

तपशील

सहकार क्षेत्रात आपल्या बँकेने भरघोस कार्य केले आहे. दरवर्षी आपली बँक सहकार सप्ताह साजरा करते. ह्या अभिनव उपक्रमात आपण सहकार मेळावे, परिसंवाद, प्रशिक्षण इत्यादी कार्यक्रमांमार्फत सर्वसामान्यांपर्यंत सहकार तत्त्वाचे महत्त्व पोहोचवत आहात. सामाजिक क्षेत्रात पर्यावरणाचे संतुलन राखण्याच्या उद्देशातून वृक्षारोपणाचे आणि वृक्षसंवर्धनाचे प्रकल्प नियमित स्वरूपात पूर्ण केले जातात. गरीब व्यक्तींना चादर वाटप, अंध आणि अपंग मुलांना भोजन असे वेगळे आणि खरे समाजोपयोगी उपक्रम आपली बँक सातत्याने करत असते. महिलांकरता सांस्कृतिक कार्यक्रम, गुणवंत विद्यार्थ्यांचे कौतुक इत्यादी कार्यक्रमातून आपली बँक महिला, विद्यार्थी ह्यांना एकत्र आणून एक सांस्कृतिक जोडणी करत आहे. ‘सिंधूताई सपकाळ’योजनेअंतर्गत महिलांना ठेवींवर जास्त व्याज दर देऊन महिला सबलीकरणाकरता आपले व्यवस्थापन कार्यरत असते. तसेच नव्या पिढीच्या युवक-युवतींना रोजगाराच्या नवीन संधी उपलब्ध करून देण्यासाठीही आपली बँक सतत प्रयत्नशील राहिली आहे. भाग्योदय ठेव योजना, आरोग्य मंत्र योजना अशा ग्राहकोपयोगी योजना कार्यान्वित करून आपली बँक ग्राहकांचे हित जपण्याकरता प्रयोगशील राहिली आहे. सहकाराबरोबर आर्थिक साक्षरतेचे महत्त्व समाजात रूजवण्यासाठी आपली बँक सातत्याने प्रयत्नशील आहे. अर्थ विकासाबरोबरच सामाजिक बांधीलकीची नाळ ही बँकेने जोडली आहे. महिलांसाठी हळदी-कुंकुवाच्या कार्यक्रमाच्या माध्यमातून त्यांच्यात आर्थिक जाणिवा विकसित करणे, बचतीची सवय लावणे हा महिला सबलीकरणाचा आधुनिक विचार आहे. व्यवस्थापन प्रणालीतून बँकेने आर्थिक नियोजन मॉडेल विकसित केले असून त्यामुळे संचालक, अधिकारी, कर्मचारी यांचा समन्वय साधला जातो. समाजातील सर्व स्तरांमध्ये आपली बँक सातत्याने विविध प्रकल्प राबवत आहे, ते यशस्वीही होत आहेत. त्याबद्दल आपले मनपू:र्वक अभिनंदन!

दि तासगाव अर्बन को-ऑप. बँक लि., तासगाव, जि.सांगली

2023

दि तासगाव अर्बन को-ऑप. बँक लि., तासगाव, जि.सांगली

2023

तपशील

जेथे जपणूक... तेथे गुंतवणूक...!’ हे ब्रीद घेऊन नऊ शाखांच्या माध्यमातून समाजातील गरजवंतांची आर्थिक अडचण दूर करणार्या आपल्या अग्रगण्य बँकेची सन 1936 मध्ये स्थापना झाली आहे. सभासदांची आर्थिक गरज भागविण्याबरोबरच ज्येष्ठ नागरिक, विधवा महिला यांच्यासाठी विविध आकर्षक ठेव योजनांसह बँकेच्या सभासदास अथवा त्यांच्या मुला-मुलीस कन्यारत्न झाल्यास त्या कन्येच्या नावे रु.5,000/- ठेव ठेवत अनोखा पायंडा पाडला आहे. आपण ग्राहकांसाठी केंद्र सरकारच्या पंतप्रधान जीवन ज्योती योजना आणि पंतप्रधान सुरक्षा बीमा योजना उपलब्ध करून दिल्या आहेत. रिझर्व बँकेच्या निकषांना अनुसरून तसेच सहकार खात्याच्या चौकटीबाहेर न जाता बँकिंग व्यवहार केले आहेत. त्याचबरोबर वार्षिक सर्वसाधारण सभेसह ग्राहक मेळावे घेऊन बँकेच्या कामकाजाची माहिती सभासदांना दिली जाते, त्यातून सभासद आणि ग्राहक यांचे बँकेसोबतचे संबंध जोपासले जात आहेत. माहिती आणि तंत्रज्ञानातील नवनवे बदल बँकेने प्रभावीपणे अमलात आणले आहेत. आपल्या बसवकल्याण ठेव योजना, धनसंचय ठेव योजना, कन्यारत्न ठेव योजना या योजनांना ग्राहकांनी भरभरून प्रतिसाद दिला आहे.

मानसिंग को-ऑपरेटिव्ह बँक लि., दुधोंडी, जि.सांगली

2023

मानसिंग को-ऑपरेटिव्ह बँक लि., दुधोंडी, जि.सांगली

2023

तपशील

लहान खातेदार महत्त्वाचा आणि बचतीची सवय’ ह्या उद्दिष्टांना केंद्रबिंदू मानून आपल्या बँकेने सहकार चळवळीला प्रारंभ केला. रौप्यमहोत्सवानंतरची बँकेची वाटचाल बँकेच्या इतर महत्त्वाच्या ध्येयधोरणांनुसार यशस्वीरीत्या चालू आहे. सामाजिक बांधीलकी जपतानाही आपल्या बँकेने अनेक विधायक उपक्रमांचा सतत पाठपुरावा केला आहे. त्यामध्ये पर्यावरण संतुलनाकरता महत्त्वाचे असलेले वृक्षारोपण, दुष्काळात जनावरांना मोफत चारा वाटप, पूरपरिस्थितीत स्वच्छता मोहीम इत्यादी उपक्रम उल्लेखनीय आहेत. पलूस तालुक्याच्या ठिकाणी आरटीओ कॅम्प, मुख्यमंत्री निधी म्हणून पूरग्रस्त सहाय्यता, जलमुक्त गाव अभियानाअंतर्गत नाला सरळीचे काम करून ग्रामस्थांना पाणी वाटपासाठी महत्त्वपूर्ण नियोजनाचा आदर्श घालून दिला आहे. बँकिंगकडे सर्वसामान्यांना आणण्यासाठी बँक राबवत असलेले उपक्रम निश्चितच उल्लेखनीय आहेत. व्यवस्थापनातील गुणवत्ता आणि त्यासोबत ग्राहकांचा बँकेवर असलेला विश्वास यामुळेच बँक वाटचाल करत आहे. 100 कोटीपर्यंतच्या ठेवी असलेली बँक म्हणून आपली बँक अनेक वेळा विविध पुरस्कारांची मानकरी ठरली आहे. आर्थिक गणिते जुळवतानाही आपली बँक समाजातील एक महत्त्वाची व्यवस्था ह्या नात्याने, सुसंघटितरीत्या समाजाप्रती आपल्या योगदानाची जाणीव ठेवून निरंतर काम करत आहे, ह्याबद्दल आम्हाला आपला अभिमान वाटतो. बँकेच्या या दैदिप्यमान वाटचालीसाठी बँको पुरस्कार, पद्मभूषण कै. वसंतदादा पाटील पुरस्कार, दि महाराष्ट्र अर्बन को-ऑपरेटिव्ह बँक्स फेडरेशन पुरस्कार बँकेची यशाची वाटचाल दर्शवते.

दि अर्बन को-ऑप. बँक लि., धरणगाव, जि.जळगाव

2023

दि अर्बन को-ऑप. बँक लि., धरणगाव, जि.जळगाव

2023

तपशील

जळगाव जिल्ह्यातील धरणगावसारख्या ग्रामीण तोंडवळा असणार्या भागातील गरजू व्यक्ती आणि संस्थांसाठी 67 वर्षांपूर्वी म्हणजेच 1956 मध्ये आपल्या बँकेची स्थापना झाली. सहकार क्षेत्रात उल्लेखनीय कार्य करणार्या आपल्या बँकेने धरणगावातील जलदूत प्रकल्प तलावाच्या (खोलीकरण व सुशोभीकरण) कामी आणि प्रवासी मंडळ, धरणगाव यांना वेळोवेळी आर्थिक मदत केली आहे. तसेच बँक कर्मचारी आणि सभासदांसाठी धार्मिक आणि प्रेक्षणीय ठिकाणी सहल आयोजित केली जाते. गणेशोत्सव काळात सर्व वर्गातील व्यक्तींना आमंत्रित करून बँकिंग व्यवस्था आणि योजनांची माहिती दिली जाते. धरणगावातील गुणवंत विद्यार्थ्यांचा सन्मान ग्रंथभेट देऊन केला जातो. शैक्षणिक कर्जाच्या माध्यमातून बँकेच्या सभासदांचे पाल्य परदेशामध्ये उच्च शिक्षण घेत आहेत. महिला संचालिकांच्या माध्यमातून दरवर्षी हळदीकुंकू कार्यक्रमानिमित्त महिला सक्षमीकरणाच्या विविध योजनांची माहिती दिली जाते. बँकेने महिला बचत गटांना स्वतःच्या पायावर भक्कमपणे उभे राहण्यासाठी कर्ज योजनाही सुरू केली आहे. विद्यार्थ्यांसाठी कमी व्याजदरात शैक्षणिक कर्ज देत तसेच युवा उद्योजकांसाठी विविध योजनांचा लाभही मिळवून दिला आहे. बँकेने आपल्या कर्मचार्यांना बँकिंग व्यवस्थापनाचे अद्ययावत ज्ञान मिळावे, यासाठी विविध प्रशिक्षणांना पाठविलेले आहे, हे आधुनिक विचारांची जोपासना करणारे आहे. बँकेने सातत्याने बँकिंग क्षेत्रातील माहिती तंत्रज्ञान क्षेत्रातील बदलांचा अभ्यास करून त्यासाठी बँकेतील कर्मचार्यांना प्रशिक्षित करण्यात येते, त्याचा उपयोग बँकेच्या व्यवस्थापनात होतो. पारदर्शकता व विश्वासार्हता या बळावर बँक यशोशिखरावर वाटचाल करत आहे. उत्कर्ष ठेव, धनवृद्धी ठेव, ज्येष्ठांसाठी पिंपळपान ठेव, मुलींसाठी कन्यादान ठेव, विद्यार्थ्यांसाठी एकलव्य ठेव या योजना ग्राहकांसाठी सुरू केल्याने ग्राहकांचा उत्तम प्रतिसाद मिळत आहे.

दि चांदवड मर्चन्टस् को-ऑपरेटिव्ह बँक लिमिटेड, चांदवड, जि. नाशिक

2023

दि चांदवड मर्चन्टस् को-ऑपरेटिव्ह बँक लिमिटेड, चांदवड, जि. नाशिक

2023

तपशील

बँकिंग व्यवस्थेचे काम सहकार क्षेत्रात महत्त्वाचे असते, पण सामाजिक बांधीलकीचे भान जपत सहकार तत्त्वावर काम करणे, हेही काही बँकांचे वैशिष्ट्य ठरू लागले आहे. आपली बँक त्यापैकी एक अग्रगण्य बँक आहे. लोकसहभागातून चांदवड आणि परिसरात आपल्या बँकेकडून अनेक समाजोपयोगी कामे झाली आहेत. येथील प्रसिद्ध खोकडतलाव लोकविकास कामात बँकेने भरीव मदत केली आहे, ही गोष्ट अतिशय स्तुत्य आहे. रक्तदान शिबिरे, केरळमधील नैसर्गिक आपत्तीच्या समयी आणि कोव्हीड आपत्तीच्या काळात मुख्यमंत्री सहायता निधीमध्ये योगदान अशी अनेक विधायक कामे करण्यामध्ये आपली बँक अग्रेसर राहिली आहे. ह्याव्यतिरिक्त विद्यार्थी गुणगौरव, विधवा आधार योजना, कामधेनू लक्षाधीश योजना, कामधेनू पेन्शन योजना, युवा वर्गाकरता कक्ष इत्यादी प्रकल्पांमधून आपल्या कामांचा समाजाकरता आपण करत असलेला विस्तार लक्षात येतो. बँकेच्या ह्या समाजसेवी प्रवासामध्ये आपल्या सर्व कर्मचार्यांचा मौलिक हातभार आहे. बँकेने ग्राहकांना गुणवत्तापूर्वक बँकिंग देऊन ग्रामीण भागात आधुनिक बँकिंगचा आदर्श निर्माण केला आहे. कोअर बँकिंग, मोबाईल बँकिंग, क्लिअरींग सुविधा, ग्राहकांना गतिमान सेवा देत आहेत. सकारात्मक विचारातून प्रगतीच्या विकासाचे स्वप्न प्रत्यक्षात येत असते, तोच विचार बँकेने जोपासला आहे. नवनवीन ग्राहकाभिमुख योजनांचा स्वीकार करून उत्तम सेवा देण्याचा बँकेचा प्रयत्न निश्चितच अभिमानास्पद आहे. बँकेची वाटचाल यशस्वीतेकडे होत आहे, त्यात बँकेला अनेक महत्त्वाच्या पुरस्कारांनी सन्मानित करण्यात आले आहे. नाशिक जिल्हा नागरी सहकारी बँकेचे सलग दोन वर्ष पुरस्कार दि महाराष्ट्र अर्बन को-ऑप. बँक फेडरेशनचे पुरस्कार, बँको पुरस्कार बँकेची यशस्वी पारदर्शकता दर्शवतात.

प्रियदर्शनी नागरी सहकारी बँक मर्यादित, जालना, जि. जालना

2023

प्रियदर्शनी नागरी सहकारी बँक मर्यादित, जालना, जि. जालना

2023

तपशील

आपल्या बँकेने केवळ सहकार क्षेत्रातच नव्हे, तर सामाजिक क्षेत्रातही वेगळ्या विषयासंबंधी नियोजनबद्ध असे काम केले आहे. तृतीयपंथी समाजाला आज 21व्या शतकातही अनेक समस्यांशी लढावे लागते. अर्थसमस्या ही त्यापैकी एक, ह्या समाजाला बँकिंगच्या मुख्य प्रवाहात आणण्यासाठी आपल्या बँकेने त्यांची खाती उघडून घेतली. त्यांना डिजिटल व्यवहार शिकवला, त्यांचे अर्थव्यवहार इतर सर्वसामान्यांप्रमाणेच सुलभ व्हावेत, त्यांना लाभदायी ठरावेत, त्यांना समाजाशी जोडावे हा बँकेचा ह्या उपक्रमामागचा प्रांजळ हेतू अतिशय कौतुकास्पद आहे. गर्भवती महिलांकरता शून्य रुपयात खाते उघडून देणारी ‘मातृत्व योजना’, गरजू महिलांना बचत गट, लघु उद्योग इत्यादींकरता कर्ज उपलब्ध करून देणे, विद्यालय किंवा महाविद्यालयीन विद्यार्थ्यांच्या अनेक शैक्षणिक कामांसाठी डिजिटल सुविधा देणे, 10 ते 18 वर्षेवयोगटाच्या मुलांचे खाते उघडून, त्यांना डेबिट कार्ड उपलब्ध करून देणे असे अनेक उपक्रम आपल्या बँकेने नव्या पिढीकरता कार्यान्वित केले आहेत. आपल्या सर्व कर्मचार्यांच्या सहकार्याने हे उपक्रम यशस्वी ठरत आहेत. आपल्या बँकेची कार्यप्रणाली ही इतरांकरता अनुकरणीय आहे. विविध क्षेत्रात कुठे कमतरता आहे, अर्थसाहाय्याची गरज आहे, हे ओळखून आपली बँक योजना तयार करते आणि त्यांचे नियमन करून योग्य कार्यवाही करते. महिला सभासदांचा बचत गट तयार करून त्यांना उद्योगासाठी आर्थिक सहाय्य, कुटीर उद्योगासाठी मार्गदर्शन करणे. त्याचबरोबर जालना येथील विविध महाविद्यालयांमध्ये बँकिंग क्षेत्राविषयी उद्बोधन वर्ग घेत असतात हे अभिनंदनीय आहे. बँक सांस्कृतिक उपक्रमांबरोबरच सामाजिक जाणिवेतून काम करत आहे, त्यात पर्यावरण रक्षणासाठी वृक्षारोपण मतीमंद शाळांच्या मुलांना शालेय वस्तू वाटप व परिसरात स्वच्छता मोहीम राबवणे अशा लोकाभिमुख कामांचा समावेश आहे. व्यवस्थापन प्रणालीच्या माध्यमातून बँक यशस्वीपणे कार्यरत आहे. याचीच पावती म्हणून दि महाराष्ट्र अर्बन को-ऑप. बँक फेडरेशन मध्ये सर्वात्कृष्ट बँक पुरस्कार, महाराष्ट्र राज्य बँक्स असोसिएशनतर्फे पद्मभूषण कै. वसंतदादा पाटील पुरस्कार अशा पुरस्कारांनी सन्मानित करण्यात आले आहे.

वैश्य नागरी सहकारी बँक लि., परभणी

2023

वैश्य नागरी सहकारी बँक लि., परभणी

2023

तपशील

मराठवाड्यातील सहकार क्षेत्रात आपल्या बँकेने भरघोस कार्य केलेले आहे. कोव्हीडच्या जागतिक आपत्तीच्या काळात आपल्या बँकेने पंतप्रधान साहाय्य निधीकरता तसेच मुख्यमंत्री साहाय्य निधीकरता आपल्या बँकेने योगदान दिले, तसेच समाजातील गरजू आणि अपघातग्रस्त लोकांकरता बँकेने आर्थिक मदत करून त्यांना जगण्याकरता आधार दिला आहे. आजच्या आणि उद्याच्याही काळाची गरज ओळखून आपली बँक नव्या पिढीतील विद्यार्थ्यांना बँकिंग व्यवहाराची ओळख व्हावी म्हणून प्रशिक्षण वर्ग, मेळाव्याचे आयोजन बँक करत असते. महिलांकरता आवर्त ठेव योजना राबवून अनेक महिलांना आर्थिकदृष्ट्या दिलासा देण्याचे काम बँकेने केले आहे. ग्राहकांकरता विविध ठेवींच्या आकर्षक आणि उपयोगी योजना आखून, त्या योग्य पद्धतीने कार्यान्वित करून आपण मराठवाड्यातील बँकिंग क्षेत्राला नवी झळाळी आणली आहे, या कामांच्या जोडीला विविध सांस्कृतिक कार्यक्रमांचे आयोजन करून आपण समाजाचे प्रबोधन आणि मनोरंजन करण्याचाही प्रयत्न करत आहात. बँकिंग युवा पिढीपर्यंत पोहोचण्यासाठी प्रबोधनात्मक जाणिवेतून बँक कार्यरत आहे, त्यासाठी महाविद्यालयांमध्ये मेळाव्याचे आयोजन करण्यात येते हे अभिनंदनीय आहे. मराठवाड्याच्या सहकारक्षेत्राला उर्जितावस्था प्राप्त करून देण्यासाठी वैश्य नागरी सहकारी बँकेने महत्त्वपूर्ण काम केले असून त्यातून समाजातील शेवटच्या घटकापर्यंत जाण्याची बँकेची तळमळ लक्षात येते. सहकारातील नवनवीन संकल्पनांचा व्यवस्थापनात स्वीकार करून बँकेच्या प्रगतीसाठी त्याचा उपयोग करण्यात येतो. या वैशिष्ट्यपूर्ण कार्याची दखल घेऊन विविध पुरस्कारांनी बँकेला सन्मानित करण्यात आले आहे. महाराष्ट्र शासनाच्या सहकार भूषण, सहकारनिष्ठ पुरस्कार, दि महाराष्ट्र राज्य सहकारी बँक्स असोसिएशनचा पद्मभूषण कै. वसंतदादा पाटील उत्कृष्ट सहकारी बँक पुरस्कार, बँको पुरस्कार तसेच डिजिटल बँकेच्या योगदानाबद्दल असे अनेक पुरस्कार बँकेच्या वैभवात तुरा रोवणारे आहेत.

साईबाबा नागरी सहकारी बँक मर्यादित, सेलू, जि.परभणी

2023

साईबाबा नागरी सहकारी बँक मर्यादित, सेलू, जि.परभणी

2023

तपशील

सेलू परिसरातील गरजूंच्या दैनंदिन अडचणी सोडविण्यासाठी सन 1996 मध्ये स्थापन करण्यात आलेल्या आपल्या बँकेने उल्लेखनीय कार्य करत रौप्य महोत्सव साजरा केला आहे. गेल्या 27 वर्षांपासून सहकार क्षेत्रामध्ये उल्लेखनीय योगदान देत आपल्या कार्याचा वेलू गगनावरी नेला आहे. सन 2019-20 या कालावधीत अतिवृष्टीमुळे बेघर झालेल्या समाज बांधवांसाठी आपण आर्थिक स्वरूपाची मदत करून सामाजिक बांधीलकी जोपासली आहे. सांस्कृतिक आणि शैक्षणिक क्षेत्रातही आपण भरीव योगदान देत समाजाचे भरणपोषण केले आहे. आपल्या बँकेची सीबीएस विकसनशील व्यवस्थापन कार्यप्रणाली निश्चितच वाखाणण्यासारखी आहे. सन 2014 पासून एटीएम, स्वाईप मशीन, यूपीआय, बँक अॅप या माध्यमातून ग्राहकांना उत्कृष्ट सेवा देत आहात. या उत्तम सेवेमुळे पंचक्रोशीत एक हक्काची बँक म्हणून आपल्या बँकेचा नावलौकिक आहे. अतिशय नावीन्यपूर्ण योजना आणि ग्राहकांचे समाधान हाच आपला विश्वास या उक्तीनुसार आपण करत असलेले काम आणि गरजूंचे उभे करत असलेले संसार, हे कार्य निश्चितच अभिमानास्पद आणि गौरवास्पद आहे. आर्थिक आणि सामाजिक, तंत्रज्ञान सेवा अशा विविध क्षेत्रामध्ये बँकेने केलेल्या उत्कृष्ट योगदानाबद्दल आपणास अविज् पब्लिकेशन आणि गॅलेक्सी इन्मा यांचे वतीने देण्यात येणारे बँक ब्ल्यू रिबन हे पुरस्कार सतत सात वेळा मिळालेले आहेत.

वणा नागरिक सहकारी बँक लि., हिंगणघाट, जि.वर्धा

2023

वणा नागरिक सहकारी बँक लि., हिंगणघाट, जि.वर्धा

2023

तपशील

ग्रामीण भागातील जनतेला बँकिंग व्यवहारांशी जोडून, त्यांच्या गरजा पूर्ण करणे, त्यांना विकासाच्या संधी उपलब्ध करून देणे अशा उदात्त उद्दिष्टांनी स्थापन झालेली आपली बँक गेल्या दोन दशकात त्या उद्दिष्टांच्या मार्गावर यशस्वी वाटचाल करत आहे. कृषिक्षेत्रावर आधारित असलेल्या आपल्या परिसरातील ग्राहकांना आपण योग्य पद्धतीने सहकार्य करत आहात. बँक-प्रणालीची मूलभूत तत्त्वे कायम ठेवूनही आपण आपल्या सहकार क्षेत्रातील कार्यामध्ये कालानुरूप बदल करत आला आहात, हे कौतुकास्पद आहे. सामाजिक क्षेत्रातही आपली बँक हिरीरीने कार्यरत असते. पर्यावरणीय प्रश्नांचे गांभीर्य ओळखून वृक्षारोपण आणि वृक्षसंवर्धन करण्याचा उपक्रम आपण सातत्याने राबवता. कॅन्सरग्रस्तांना आर्थिक मदत, गरजू व्यक्तींना ब्लँकेट वाटप, होतकरू विद्यार्थ्यांना योग्य आर्थिक मदत असे विधायक उपक्रमही बँकेकडून सातत्याने चालू आहेत. महिलांच्या आर्थिक सबलीकरणाच्या हेतूने आपण महिला खातेदारांकरिता ठेवींवर अधिक व्याज दराची योजना कार्यान्वित केली. ग्रामीण भागातील भूमिपुत्रांकरता गृहकर्ज योजना उपलब्ध करून देताना, आपण मोठ्या कंपन्यांनाही अक्षय ऊर्जा योजनेंतर्गत त्यांच्या प्रगतीमार्गावर त्यांना सहकार्य करत आहात. विविध क्षेत्रातील आपल्या योगदानामार्फत आपण पर्यायाने देशाच्या विकासाला हातभार लावत आहात ह्याबद्दल आपले अभिनंदन! शैक्षणिक क्षेत्रात समाजातील गरीब व गरजू विद्यार्थ्यांना उच्च शिक्षणासाठी मदत उपलब्ध व्हावी यासाठी बँक आर्थिक मदत करत असते. ग्रामीण भागात शिक्षणाची गंगा प्रवाहित करण्याचे मूलभूत काम बँक निष्ठेने करत आहे, हे अभिमानास्पद आहे. सांस्कृतिक क्षेत्रात वैविध्यपूर्ण उपक्रमांच्या माध्यमातून बँकेची वाटचाल सुरू आहे, त्यातून समाजात एकोपा व संवाद साधण्याचे काम होत आहे हे निश्चितच अभिनंदनीय आहे.

श्रीकृष्ण को-ऑपरेटिव्ह बँक लि., उमरेड, जि.नागपूर

2023

श्रीकृष्ण को-ऑपरेटिव्ह बँक लि., उमरेड, जि.नागपूर

2023

तपशील

रौप्यमहोत्सवी कारकीर्द असलेल्या आपल्या बँकेने आजपर्यंत अनेक गरजू ग्राहकांना त्यांच्या व्यवसाय वाढीकरता साहाय्य करून सहकार क्षेत्रात मोलाची कामगिरी केली आहे. जागतिक आपत्तीच्या काळात ग्रामीण भागात औषधे आणि प्राणवायू उपलब्ध करून देण्याची व्यवस्था, गरीब रोगग्रस्तांना मोफत धान्य वाटप अशा उपक्रमांतून बँकेने सामाजिक भान जपले. गरजू विद्यार्थीवर्गाला मदत ही भविष्याची गरज आहे, हे ओळखून अशा मुलांना पुस्तके, गणवेश वाटप तसेच गुणवंत मुलांचा सत्कार, युवा पिढीला अर्थसाहाय्य इत्यादी उपक्रम राबवून आपली बँक नव्या पिढीला उभारी देण्याचेही कार्य करते. युवा पिढीकरताही विशेष सुकन्या योजनेमार्फत आपली बँक महिलांचे आर्थिक सबलीकरण करण्याकरता सतत कार्यरत असते. सांस्कृतिक क्षेत्रात साजर्या होणार्या अनेक सार्वजनिक उत्सवांकरता निधी देणे, रुग्णवाहिका उपलब्ध करून देणे ही आपल्या बँकेची कामेही महत्त्वाची आहेत. ग्राहकांकरता अनेकविध, आकर्षक, पण अतिशय फायदेशीर अशा योजना आपल्या बँकेने पंचवीस वर्षांहून अधिक काळ यशस्वीरीत्या राबवलेल्या आहेत. सहकाराच्या माध्यमातून ग्रामीण भागातील जनतेसाठी सेवा भावनेने काम करणारी आपली बँक जनसामान्यांसाठी अर्थवाहिनी ठरली आहे. ग्रामीण भागातील गरजू व्यक्ती, शेतकर्यांना कर्ज पुरवठा करण्यासाठी बँक कायम कटिबद्ध आहे. त्यांचे जीवनमान उंचावण्यासाठी हातभार लावत आहे. गणेश उत्सव, नवरात्र उत्सवासाठी सामाजिक एकोपा टिकवण्यासाठी आपल्या बँकेने कायमच पुढाकार घेतला आहे. महिलांना स्वावलंबी बनवण्यासाठी कर्जरूपाने विविध उद्योगधंद्यासाठी मदत करणे हे बचतीकरणाचे महत्त्वाचे पाऊल आहे. ग्राहकांसाठी अनेक योजनांना उत्तम प्रतिसाद मिळाला आहे. बँकेचे व्यवस्थापन कौशल्य व आर्थिक नियोजन यातून बँक प्रगतीपथाकडे वाटचाल करत आहे. बँकेच्या प्रगतीशील वाटचालीसाठी अनेक महत्वपूर्ण पुरस्कार प्राप्त झाले आहेत, ते अभिनंदनीय आहे. त्यात महाराष्ट्र राज्य अर्बन बँक्स फेडरेशनकडून तब्बल चार वेळा सर्वोत्कृष्ट बँक पुरस्कार, महाराष्ट्र राज्य बँक्स असोसिएशनचा पद्मभूषण कै. वसंतदादा नागरी सहकारी बँक पुरस्कार, विदर्भ अर्बन बँक्स असोसिएशन, नागपूरकडून उत्कृष्ट नागरी बँक पुरस्कार हे पुरस्कार वाटचालीस बळ देणारे आहेत.

राजापूर अर्बन को-ऑप. बँक लि., राजापूर

2023

राजापूर अर्बन को-ऑप. बँक लि., राजापूर

2023

तपशील

‘इवलासा वेलू गेला गगनावरी’ हा मंत्र घेऊन सहकार क्षेत्राच्या वटवृक्षात आपली बँक मौलिक योगदान देत आहे. सन 1921 मध्ये स्थापन झालेली राजापूर अर्बन को-ऑप. बँक समाजविकासाचा अविरत निष्ठेने काम करत असलेला व कृतीशील विचार आहे. समाजातील जनतेचा विश्वास, पारदर्शकतेची हमी, ग्राहक सेवेतील प्रामाणिकपणा या गुणांच्या बळावर गुणवत्तापूर्ण बँकिंग देण्यात बँक यशस्वी झाली आहे. विकासात्मक जाणिवांच्या ध्येयाकडे जाण्यासाठी सहकाराच्या वाटचालीत अनेक आर्थिक सबलीकरणाचे प्रयोग आपण यशस्वी केले आहेत व त्याला सर्व थरांतून उत्तम प्रतिसाद मिळाला आहे. कुक्कुट पालन, मत्स्य व्यवसाय, शेतीपूरक व्यवसायासाठी, त्यांच्या आर्थिक उन्नतीसाठी प्रयत्न करत आहात. समाजात अभिरूची संपन्न रसिक घडावा, यासाठी सांस्कृतिक संस्थांना आर्थिक सहकार्य, प्रबोधनात्मक जाणिवांचा जागर, विविध कलाकारांच्या माध्यमातून केला जातो हे अभिनंदनीय आहे. याचबरोबर गुणवत्तापूर्ण शैक्षणिक संस्थांना हुशार व होतकरू विद्यार्थ्यांना बँकेतर्फे आर्थिक सहकार्य केले जाते. तसेच त्यांच्या कर्तृत्वाचा गुणगौरव केला जातो, हे त्यांच्या वाटचालींना निश्चित बळ देणारे आहे. त्याचबरोबर निराधार मुलांसाठी दत्तक पालक योजनेत सहभाग, मुला-मुलींना शैक्षणिक साहित्यांचे वाटप हा सामाजिक कृतज्ञतेचा भाग आहे. महिला सबलीकरणासाठी बचत गटांना कर्ज, महिलांकरिता आकर्षक ठेव योजना, गृह लक्ष्मी कर्ज योजनेच्या माध्यमातून अल्पदरात कर्ज सुविधा देऊन महिला विकासाला हातभार लावला आहे. युवा पिढीला बँकिंग क्षेत्रात आणण्यासाठी बँकेने आधुनिकतेची कास धरली आहे, त्या माध्यमातून मोबाईल बँकिंग, पेटीएम, आधुनिक बँकिंग प्रणालीचा स्वीकार केला आहे. बँकेची व्यवस्थापन प्रणाली ही सर्व शाखांशी समन्वय साधून नियोजन व कार्यपद्धतीतील सुसंगत यासाठी जागरूकपणे कार्य करीत आहे, तेच बँकेच्या वैभवशाली वाटचालीचे प्रतिक आहे. बँकेला त्यामुळेच आयएसओ मानांकन 9001-2015 हे आंतरराष्ट्रीय दर्जा प्रमाणपत्र मिळाले आहे, हा बँकेच्या वाटचालीचा मानबिंदू आहे. बँकेला व्यवस्थापन तंत्रज्ञानाचा स्वीकार, उत्तम ग्राहक सेवेबद्दल अनेक प्रतिष्ठेच्या पुरस्कारांनी सन्मानित करण्यात आले आहे, त्यात पद्मभूषण कै. वसंतदादा पाटील उत्कृष्ट नागरी सहकारी बँक पुरस्कार, बँकिंग फंटीअर्सचा बेस्ट एनपीए मॅनजेमेंट पुरस्कार, बेस्ट टर्न अराऊंड पुरस्कार, बँको टेक्नॉलॉजी पुरस्कार, कर्नाडस् बँकिंग रिसर्च फाऊंडेशनचा शून्य टक्के एनपीए पुरस्कार, अद्ययावत सुविधा देणारी बँक पुरस्कार बँकेच्या नावलौकिकात भर पाडणारे आहेत. असोसिएशनच्या पारितोषिकांच्या रौप्य महोत्सवानिमित्ताने आपल्या बँकेच्या कार्याला पद्मभूषण कै. वसंतदादा पाटील उत्कृष्ट नागरी सहकारी बँक पुरस्काराने सन्मानित करताना आम्हाला विशेष आनंद होत आहे.

दि बाबासाहेब देशमुख सहकारी बँक लि., आटपाडी, जि. सांगली

2023

दि बाबासाहेब देशमुख सहकारी बँक लि., आटपाडी, जि. सांगली

2023

तपशील

दुष्काळी आटपाडी तालुक्याचे प्रतिनिधित्व करत तालुक्याच्या आर्थिक विकासाला गती देण्यासाठी 1997 मध्ये स्थापन झालेल्या आपल्या दि बाबासाहेब देशमुख सहकारी बँकेने आतापर्यंत सर्वार्थाने उपेक्षित आणि वंचितांचे आर्थिक स्थैर्य उंचावले आहे, किंबहुना दुष्काळी परिस्थितीशी सामना करणार्या आटपाडी तालुक्याच्या आर्थिक मदतीला हक्काने हाक देणारी बँक असा आपला नावलौकिक सभासद आणि तालुक्यासह जिल्ह्यातील मान्यवरांच्या सहभागाने झाला आहे. गेल्या 25 वर्षात बँकेने नेत्रदीपक प्रगती केली आहे. स्पर्धेच्या युगात सांगली-कोल्हापूरमधील महापूर, ग्रामीण भागातील सततचा दुष्काळ, कोरोना महामारीचे संकट या सर्वांवर मात करत बँकेने सर्वोत्तम कामगिरी केली आहे. ग्राहकांचा विश्वास संपादन करत बँकेच्या ठेवींमध्येही झपाट्याने वाढ झाली आहे. सांगलीसह सातारा, सोलापूर, कोल्हापूर या जिल्ह्यांतील सर्वसामान्य शेतकर्यांच्या जीवनामध्ये आर्थिक परिवर्तन घडविण्यात बँकेचे मोठे योगदान आहे. सामाजिक बांधीलकीच्या भावनेतून बँकेने खातेदारांसाठी विमा योजना राबविली असून अपघाती निधनाने निराधार झालेल्या सभासदांच्या कुटुंबीयांना आर्थिक आधारही दिला आहे. बँकेचे संचालक मंडळ आणि कर्मचारी यांच्या अथक परिश्रमामुळे आणि उच्च प्रतीच्या व्यवस्थापनामुळे बँकेची सर्वोत्तम प्रगती झाली आहे. शैक्षणिक क्षेत्रातही बँक विविधांगी उपक्रम राबवते. युवक-युवतींसाठी बँकेच्या प्रधान कार्यालयात बँकिंग ज्ञान आणि व्यवस्थापन या विषयावर प्रतिवर्षी एकदिवसीय कार्यशाळा आयोजित केली जाते. तज्ञ आणि अनुभवी व्याख्यात्यांकडून मार्गदर्शन केले जाते. बँकिंग व्यवसायाला समाजाभिमुखता दिल्याने बँकेच्या माध्यमातून कल्याण निधी उभा करत विविध संकटकाळात बँक मदत करत असते. बँकेच्या कर्मचार्यांना वर्षातून एकदा रक्तदान करण्यासाठी संचालक मंडळ प्रोत्साहित करते. दुष्काळी परिस्थितीत आटपाडी तालुक्यातील तडवळे येथील सिमेंट बंधार्यातील गाळ स्वखर्चाने काढण्यासह माडगुळे, दिघंची, शेरेवाडी, शेटफळे अशा विविध ठिकाणी बँकेने मदत केली आहे. दुष्काळी भागातील जनतेसाठी मोफत नेत्र तपासणी आणि शस्त्रक्रिया शिबिरही बँकेने आयोजित केले आहे. महाराष्ट्र अर्बन को-ऑप. बँक फेडरेशन व महाराष्ट्र राज्य सहकारी बँक्स असोसिएशनतर्फे सर्वोत्कृष्ट नागरी सहकारी बँक पुरस्कार, सहकार सुगंध मासिकातर्फे उत्कृष्ट अहवाल पुरस्कार, महाराष्ट्र शासनाचा सहकार निष्ठ पुरस्कार बँकेच्या शिरपेचात मानबिंदू आहेत.

राजे विक्रमसिंह घाटगे को-ऑप. बँक लि., कागल, जि.कोल्हापूर

2023

राजे विक्रमसिंह घाटगे को-ऑप. बँक लि., कागल, जि.कोल्हापूर

2023

तपशील

स्वातंत्र्यपूर्व काळात स्थापन झालेल्या आणि सन 2017 मध्ये शताब्दी महोत्सव साजरा केलेल्या, परिसरातील गरजूंच्या आर्थिक उन्नतीसाठी सातत्याने प्रयत्नशील असणार्या आपल्या बँकेने आर्थिक सक्षमता आणि विविधांगी उपक्रम राबवून कोल्हापूर जिल्ह्यासह राज्यभरात नावलौकिक प्राप्त केला आहे. समाजातील अठरापगड जातीतील सभासदांना जास्तीत जास्त कर्ज पुरवठा करून त्यांना स्वतःच्या पायावर भक्कमपणे उभे केले आहे. वेळोवेळी कर्जदार/ठेवीदारांचे मेळावे घेऊन सहकार क्षेत्र मजबूत करण्याचा प्रयत्न आपण प्रांजळपणे केला आहे. बँकेच्या वतीने कार्यक्षेत्रातील लोकांसाठी मोफत नेत्र तपासणी, शस्त्रक्रिया शिबिर तसेच विविध आरोग्य शिबिरे राबविले आहेत. अनेक कारणांमुळे ग्रस्त झालेल्या गरीब आणि गरजू लोकांना बँकेकडून मदत आणि वृक्षारोपणासह विविध उपक्रम बँकेने राबवले आहेत. विविध क्षेत्रातील कलाकारांना प्रोत्साहन म्हणून बँकेच्या वतीने मदत केली जाते. तसेच कार्यक्षेत्रामध्ये होणार्या विविध क्रीडा स्पर्धांना बँकेचे प्रायोजकत्व लाभतं. बँकेच्या कार्यक्षेत्रातील इयत्ता दहावी आणि बारावी परीक्षांमध्ये केंद्रात प्रथम येणार्या विद्यार्थ्यांचा सन्मान केला जातो. तसेच बँकेच्या कर्मचार्यांच्या गुणवंत पाल्यांचाही सन्मान केला जातो. बँकेच्या कार्यक्षेत्रातील महिलांना शेतीसाठी कमी व्याजदराने कर्ज पुरवठा केला जातो. महिलांना उद्योग व्यवसायासाठी ’राजर्षी छत्रपती शाहू महाराज व्यवसायवृद्धी कर्ज योजने’च्या माध्यमातून महिलांना कर्जपुरवठा केला जातो. अण्णासाहेब पाटील आर्थिक मागास विकास महामंडळाच्या कर्ज योजनेअंतर्गत युवक आणि युवती यांना उद्योग/व्यवसायासाठी रुपये 15 लाखांपर्यंत कर्ज पुरवठा केला जातो. तसेच व्यवसायवृद्धी कर्ज योजना, प्रधानमंत्री व्यवसाय योजना अशा विविध योजनांच्या माध्यमातून युवक-युवती यांना विशेष योजनेच्या माध्यमातून आर्थिक सहकार्य केले जाते. बँकेच्या विविध योजनांना सभासदांचा भरघोस प्रतिसाद मिळतो. शेतीसाठी ठिबक सिंचन, जनावरे खरेदीसाठी कर्ज अशा तळागाळातील जनतेपर्यंत बँकेची कार्यपद्धती कौतुकास्पद आहे. सामाजिक दृष्टिकोनातून अर्थ विचार हे बँकेचे प्रतिक आहे. बँकेच्या वाटचालीचा गौरव म्हणून एकवीस पुरस्कार बँकेस प्राप्त झाले आहेत हे अभिनंदनीय आहे. आदर्श सेवा पुरस्कार, बँकिंग फ्रंटीअर्सचा उत्कृष्ट मार्केटींग सर्वोत्कृष्ट ग्राहक सेवा पुरस्कार, उत्कृष्ट एनपीए रीडक्शन अविज् पब्लीकेशनचा बँको पुरस्कार, महाराष्ट्र राज्य बँक्स असोसिएशनचा शतकोत्तर वाटचाल पुरस्कार बँकेच्या कार्यशैलीचे वेगळेपण दर्शवतात.

विश्वास को-ऑप. बँक लि., नाशिक

2023

विश्वास को-ऑप. बँक लि., नाशिक

2023

तपशील

नाशिक-पुणे-मुंबई या अर्थत्रिकोनातील शहरवासीयांच्या गरजा परिपूर्ण करण्यासाठी विश्वास बँकेची सन 1997 मध्ये स्थापना झाली. महिला स्वयंसहाय्यता बचत गटास अर्थसहाय्य करणारी व फ्रँकींग सुविधा उपलब्ध करुन देणारी महाराष्ट्रातील पहिली सहकारी बँक म्हणून नावलौकिक आहे. विश्वास बँकेने तयार केलेली आदर्श व्यवस्थापन प्रणाली (एम.आय.एस.) सहकार क्षेत्रात आज मैलाचा दगड ठरली आहे. महिला स्वयंसहाय्यता बचत गटांना कमी व्याजदराने कर्ज उपलब्ध करुन देणारी महाराष्ट्रातील पहिली नागरी सहकारी बँक म्हणून विश्वास को-ऑप. बँकेने नावलौकिक संपादन केला आहे. सभासदांच्या वाढत्या गरजा व अपेक्षा पूर्ण करताना त्यांना आर्थिक पाठबळ देण्याकरिता बँकेने विविध प्रकारच्या सुविधा दिल्या आहेत. बँकेने नफा वाढविण्याकरिता तसेच व्यवसायातील लवचिकता वाढविणेसाठी विविध उपाययोजना व नवीन संकल्पनांचा अंगीकार केला आहे. बँकेने कोअर बँकिंगच्या माध्यमातून नेटवर्क विस्तारलेले आहे, त्यामुळे व्यवसाय वाढल्याचे दिसून येते. सर्वोत्तम आचरण, अनेक उपक्रमांना संस्थात्मक स्वरूप देणे. बँकेची विश्वासार्हता, पारदर्शकता, व्यवस्थापन कौशल्ये, संचालक मंडळ व कर्मचार्यांचा सहभाग यामुळे ही भरभक्कम कामगिरी बँकेस करता आलेली आहे. कोरोनाशी लढा देण्यासाठी उपचाराबरोबरच त्यांना मदत, सेवा-सुविधा पुरविण्यासाठी कृतीशील जाणिवेतून काम केले. या सामाजिक संकटाला सामोरे जाण्यासाठी धैर्य निर्माण करण्यात खारीचा वाटा उचलला. ज्येष्ठ नागरिक व दिव्यांग व्यक्ती किंवा आजारी व्यक्तींना विश्वास को-ऑप. बँकेमार्फत घरपोच नि:शुल्क बँकिंग सेवासुविधा दिली. तसेच अॅम्ब्युलन्स सेवा, किराणा माल, भाजीपाला सुविधा, कोरोना पोलीस मदत कक्ष, खाद्य पदार्थ पार्सल सुविधा, वैद्यकीय सुविधा अशा जीवनावश्यक गरजा मिळवून देण्यासाठी बँकेतर्फे हेल्पलाईनच्या माध्यमातून सहकार्य केले. त्याला सर्वसामान्यांकडून उत्तम प्रतिसाद मिळाला. समाजाप्रती असलेली आस्था व आपुलकीची जोपासना बँक जबाबदारीने पार पाडत आहे. बँकेने दिशा शैक्षणिक उपक्रम, विश्वास साक्षरता अभियान, आनंदीचा उत्सव, मैत्र कारवाँ, ग्रंथ तुमच्या दारी, सुर विश्वास, गझल विश्वास अशा अनेक उपक्रमातून सांस्कृतिक, सामाजिक क्षेत्रात आपले वेगळेपण सिद्ध केले आहे. बँकेला आजपर्यंत 13 राष्ट्रीय, 22 राज्यस्तरीय, 10 जिल्हास्तरीय अशा 45 पुरस्कारांनी गौरविण्यात आले आहे, हे निश्चितच गौरवास्पद व अभिनंदनीय आहे.

दि संगमनेर मर्चंटस् को-ऑप. बँक लि., संगमनेर, जि.अहमदनगर

2023

दि संगमनेर मर्चंटस् को-ऑप. बँक लि., संगमनेर, जि.अहमदनगर

2023

तपशील

हीरक महोत्सवी वर्षाकडे मार्गक्रमण करणार्या आपल्या बँकेची स्थापना 26 नोव्हेंबर, 1965 रोजी झाली. बँकेच्या सभासदांना व्यापारवृद्धी आणि दैनंदिन गरजांच्या पूर्ततेसाठी बँक नियमितपणे विविध प्रकारे आर्थिक मदत करत आहे. 16 मे, 1966 पासून कार्यक्षेत्र विस्ताराची परवानगी मिळाल्याने विविध शाखांच्या माध्यमातून त्या-त्या परिसरातील सभासदांची आर्थिक गरज बँकेने तातडीने भागवली आहे. त्याचबरोबर सभासदांसाठी जनआरोग्य मेडिक्लेम पॉलिसी तसेच सभासदांना आरोग्यविषयक आर्थिक मदतही वेळोवेळी केली आहे. सभासदांसाठी नाटक आणि संगीताचे मनोरंजनात्मक कार्यक्रम राबवून बँकेने सांस्कृतिक क्षेत्रात आपला आगळावेगळा ठसा उमटवला आहे. सेवकांना नियमित प्रशिक्षण देणे, बाह्य संस्थांकडून सभासदांचे प्रशिक्षण वर्ग आयोजित करणे, महिलांसाठी विशेष कर्ज योजनांची निर्मिती करणे असे उपक्रमही बँकेने नियमितपणे राबवले आहेत. परदेशी शिक्षणाला जाऊ इच्छिणार्या युवक-युवतींसाठी परदेशी शैक्षणिक कर्ज प्रोत्साहन मेळावा आयोजित करून या युवकांना शैक्षणिक कर्ज उपलब्ध करून दिले आहे. बँकेने व्यवस्थापनाची अत्याधुनिक कार्यप्रणाली निर्माण करून सेवकांची साखळी तयार केली आहे.

महात्मा फुले अर्बन को-ऑप. बँक लि., अमरावती

2023

महात्मा फुले अर्बन को-ऑप. बँक लि., अमरावती

2023

तपशील

सामाजिक सुधारणांचे अग्रणी आणि स्त्री शिक्षणाचे प्रणेते महात्मा फुले यांच्या सामाजिक आणि शैक्षणिक विचारांनी प्रेरित होऊन स्थापन करण्यात आलेली आपली बँक. आपल्या बँकेने समाजातील गरजूंना स्वतःच्या पायावर उभे राहण्यासाठी आणि सभासदांच्या आर्थिक गरजा पूर्ण करण्यासाठी आर्थिक सहकार्य करून सर्वत्र नावलौकिक प्राप्त केला. सामाजिक क्षेत्रातही बँकेने विधायक कार्याचा मानदंड स्थापित केला आहे. बँकेच्या वतीने दरवर्षी अमरावती जिल्ह्यातील धारणी (मेळघाट) येथील अतिदुर्गम भागातील आदिवासी कुटुंबांकरिता आरोग्य निदान शिबिर आणि मोफत औषधांसह दैनंदिन गरजेच्या वस्तूही आदिवासी बांधवांना दिल्या जातात. कोरोना काळातही गरजूंना धान्य आणि किराण्याचे वाटप करण्यात आले, अशा रीतीने सामाजिक दायित्व बँकेने जपले आहे. सभासद आणि रसिकांची सांस्कृतिक भूक भागवण्यासाठी विविध प्रकारच्या सांस्कृतिक कार्यक्रमांसह क्रीडा क्षेत्रातील उपक्रमांचे बँकेच्यावतीने आयोजन केले जाते. उच्च शिक्षण घेणार्या गरजू विद्यार्थ्यांना शैक्षणिक कर्ज त्याचबरोबर व्यावसायिक शिक्षण घेणार्या विद्यार्थ्यांकरिता बँकेच्या वतीने प्रशिक्षणही दिले जाते. सर्व स्तरातील महिलांना सक्षम करण्यासाठी बचत गटाच्या माध्यमातून बँकेच्या वतीने कर्ज वितरण करण्यात येते. विशेषत: आपल्या कुटुंबाच्या उत्कर्षासाठी बचतीचे महत्त्व आणि महिला सक्षमीकरणाच्या हेतूने आर्थिक व्यवहाराचे ज्ञान या माध्यमातून देण्यात येते. बँकेने देशाचा कणा असलेल्या युवक आणि युवतींनी नव्याने लघुउद्योग सुरू करून स्वतःच्या पायावर भक्कम उभे राहावे, यासाठी अल्प व्याजदरात ‘महात्मा फुले मध्यम उद्योग कर्ज योजना’ आणि ‘सावित्रीबाई फुले लघु उद्योग कर्ज योजना’ सुरू केल्या आहेत. उत्कृष्ट व्यवस्थापनाचा वसा बँकेने जपला आहे. त्याचबरोबर बँकेने व्यवसाय वृद्धीच्या अनुषंगाने विविध प्रकारचे उपक्रम राबविले आहेत. ‘ग्राहकांचा विश्वास संपादन करणारी अग्रगण्य बँक’ म्हणून ग्राहकांसाठी विविध प्रकारच्या योजना राबविल्या आहेत. बँक आवश्यक अशा सर्वच नवनवीन योजना राबवत असल्याने ग्राहकांकडून बँकेला भरभरून प्रतिसाद मिळतो. नॅशनल फेडरेशन ऑफ अर्बन को-ऑप. बँक्सचा उत्कृष्ट नागरी सहकारी बँक पुरस्कार, दि विदर्भ अर्बन को-ऑप. बँक्स असोसिएशनतर्फे सर्वात्कृष्ट नागरी सहकारी बँक पुरस्कार, बँको पुरस्कार, बँकेची प्रगतीशील वाटचाल दर्शवतात.

दि वाशिम अर्बन को-ऑपरेटिव्ह बँक लि., वाशिम

2023

दि वाशिम अर्बन को-ऑपरेटिव्ह बँक लि., वाशिम

2023

तपशील

‘नाते निरंतर...’ हे ब्रीद घेऊन स्थापन झालेल्या आपल्या दि वाशिम अर्बन को-ऑपरेटिव्ह बँकेने सभासदांच्या आर्थिक गरजा भागवून जिल्ह्यामध्ये नावलौकिक प्राप्त केला आहे. आर्थिक स्थैर्य प्राप्त करून देत सभासदांची कौटुंबिक आणि सामाजिक गरज भागवत विविध प्रकारचे उपक्रम आपण राबवले आहेत. आपली बँक ही सामाजिक क्षेत्रात नेहमीच अग्रेसर राहून विधायक उपक्रम राबवत आहे. बँकेचे संस्थापक अध्यक्ष स्व. रामकृष्णजी गंगारामजी राठी यांच्या पुण्यतिथीदिनी दरवर्षी विविध कार्यक्रम घेतले जातात. कोरोनाच्या काळात बँकेतर्फे 41 गरजवंतांना किराणा किटचे वाटप करण्यात आले, त्याचबरोबर रक्तदान शिबिर राबवत विदर्भामध्ये नवीन आदर्श निर्माण केला आहे. या रक्तदानाच्या पवित्र कार्याबद्दल बँकेला जागतिक रक्तदानदिनी वाशिम जिल्हा सामान्य रुग्णालयाच्या शासकीय रक्तकेंद्राचा मानाचा सन्मानही प्राप्त झाला आहे. राष्ट्रपिता महात्मा गांधींच्या जन्मदिनी स्वच्छ भारत अभियानअंतर्गत वाशिम बँकेच्या कारंजा शाखेच्या माध्यमातून कारंजा नगरपरिषदेला 500 नग डस्टबीनचे वाटप करण्यात आले. विविध संस्थांना आर्थिक मदतीसह दुर्धर रोगाने पीडित असणार्या व्यक्तींना औषधोपचारासाठी सहाय्य केले जाते. वाशिम शहरातील एकबुर्जी धरण गाळ प्रकल्प, ईटाली तलाव गाळ उपसा प्रकल्प यांना बँकेच्या वतीने आर्थिक सहकार्यही करण्यात आले आहे. कोविड सेंटर आर्थिक सहायता, सुभद्राबाई बहुउद्देशीय संस्था सामुदायिक विवाह सोहळा त्याचबरोबर विविध स्पर्धांसाठी बँकेने भरघोस मदत केली आहे. सांस्कृतिक क्षेत्रात कार्य करत असताना विविध नाट्यप्रयोगांचे आयोजन करण्यात आले आहे. विविध शाळा आणि महाविद्यालयीन विद्यार्थ्यांना दरवर्षी बँकेच्या माध्यमातून बँकेचे कामकाज आणि व्यवहार याबाबत मार्गदर्शन करण्यात येते. बँकेने महिला बचत गटाची निर्मिती केली असून, त्यामार्फत गरजू महिलांना आर्थिक मदत केली आहे. तसेच बँकेतर्फे दरवर्षी हळदी-कुंकू कार्यक्रमाचे आयोजन करत महिलांना बँकेच्या ठेवी तथा कर्जाच्या विविध योजनांची माहिती देण्यात येते, हे महिला सबलीकरणाला बळ देणारे आहे. बँकेच्या या प्रगतीशील वाटचालीसाठी सलग दोन वर्ष उत्कृष्ट बँकिंग पुरस्कार अविज् पब्लीकेशन्सतर्फे बँको पुरस्कार, उत्कृष्ट टेक्नॉलॉजी पुरस्कार आदि मानाच्या पुरस्कारांनी बँकेला सन्मानित करण्यात आले आहे हे निश्चितच अभिनंदनीय आहे. असोसिएशनच्या पारितोषिकांच्या रौप्य महोत्सवानिमित्ताने आपल्या बँकेच्या कार्याला पद्मभूषण कै. वसंतदादा पाटील उत्कृष्ट नागरी सहकारी बँक विशेष पुरस्काराने सन्मानित करताना आम्हाला विशेष आनंद होत आहे.

दि अण्णासाहेब सावंत को-ऑपरेटिव्ह अर्बन बँक महाड लिमिटेड, महाड, जि.रायगड

2023

दि अण्णासाहेब सावंत को-ऑपरेटिव्ह अर्बन बँक महाड लिमिटेड, महाड, जि.रायगड

2023

तपशील

आपली बँक मागील नऊ दशकांपासून सहकार क्षेत्रात कार्यरत आहे. आपल्या कार्यक्षेत्रात असणार्या आणि उद्योग-व्यवसाय करण्याकरता धडपडणार्या अनेक लहान उद्योजकांना बँकेने आर्थिक सहकार्य करून त्यांना सक्षम केले आहे. पूरग्रस्तांचे प्रमाण अधिक असलेल्या आपल्या परिसरातील गरजू, आपत्तीग्रस्त व्यावसायिकांना आर्थिक साहाय्य करून आपली बँक सामाजिक बांधीलकी जपते. केवळ अर्थसाहाय्य हाच एक सेवेचा निकष न ठेवता आपली बँक ग्राहक, सभासदांच्या सांस्कृतिक क्षेत्रातील अभिरुचींची जोपासना करण्याकरता अनेक सांस्कृतिक कार्यक्रमही आयोजित करत असते. शैक्षणिक संस्थांना मदत, विद्यार्थ्यांकरता शैक्षणिक वस्तूंचे वाटप, युवा पिढीकरता वक्तृत्व स्पर्धा, मार्गदर्शन तसेच महिला उद्योजक सबलीकरणाच्या दृष्टीने नारीसखी स्वयंरोजगार योजना इत्यादी समाजोपयोगी प्रकल्प सातत्याने राबवत आपल्या बँकेने भरघोस कार्य केले आहे. आपल्या बँकेतील अधिकारांची उच्च पदे ही अधिकाधिक प्रमाणात महिला भूषवत आहेत, ही अभिमानास्पद गोष्ट आहे. पारदर्शक कार्यपद्धतीचा अवलंब करून, सहकार आणि समाज ह्या क्षेत्रात आपल्या बँकेची प्रतिमा सातत्याने उजळत आहे. सामाजिक आणि अर्थकारणाशी असलेली बँकेची बांधीलकी निश्चितच वाखणण्याजोगी आहे. तळागाळातील जनतेपर्यंत आर्थिक विकासाचा कृतीशील विचार बँक जोपासत आहे. बँकेचे महिला विकासाचे आर्थिक धोरण सबलीकरणाला निश्चितच बळ देणारे आहे. स्वावलंबी जगण्यासाठी बळ निर्माण करण्याचे काम बँक करत आहे, हे अभिमानास्पद आहे. शाळा, कॉलेजातील मुला-मुलींसाठी निबंध, वक्तृत्व स्पर्धा त्यांच्या विचारांना व्यासपीठ देणारे आहे. बँकेची ही यशस्वी वाटचाल प्रेरणादायी असून सहकार क्षेत्रात मानबिंदू ठरली आहे, त्याचेच फलित म्हणून अनेक प्रतिष्ठेच्या पुरस्कारांनी सन्मानित करण्यात आले आहे. त्यात अविज् पब्लिकेशनचा बँको पुरस्कार, नचिकेत गौरव पुरस्कार, महाराष्ट्र राज्य सहकारी बँक्स असोसिएशनचा पद्मभूषण कै. वसंतदादा पाटील उत्कृष्ट नागरी सहकारी बँक पुरस्कार, बँकिंग फ्रंटीअर्सचा पुरस्कार, कर्नाड बँकिंग पुरस्कार अभिमानास्पद आहे.

दि हस्ती को-ऑप. बँक लि., दोंडाईचा, जि.धुळे

2023

दि हस्ती को-ऑप. बँक लि., दोंडाईचा, जि.धुळे

2023

तपशील

तत्त्वनिष्ठ भूमिकेतून बँकिंग व्यवहाराकडे पाहणारी अशी आपली बँक आहे. खानदेशामध्ये अर्धशतकाहून अधिक काळ अर्थक्षेत्रात भक्कम पाय रोवून उभ्या असलेल्या आपल्या बँकेने ह्या क्षेत्रातील अनेक स्थित्यंतरे अनुभवली आहेत. सहकार क्षेत्रातील आपली कार्यप्रणाली अतिशय समाजाभिमुख आणि सकारात्मक आहे. अधिकाधिक ठेवी असताना आणि त्यानुसार कर्जवाटप करताना आपल्या बँकेने ठराविक निकषांचे पालन केले आहे. आर्थिक व्यवहार सुदृढ आणि कालसंगत ठेवत आपल्या बँकेची सहकार क्षेत्रातील घोडदौड सुरू आहे. बँकेवरही समाजाचे ऋण असते, हे लक्षात घेऊन आपल्या बँकेने सामाजिक क्षेत्रात सर्वसमावेशक कार्य केले आहे, त्यामध्ये पुरग्रस्तांकरिता असलेल्या मुख्यमंत्री व प्रधानमंत्री निधीकरता साहाय्य करणे, रक्तदान शिबिरांचे आयोजन करणे, धर्मादाय संस्थांकरता चॅरिटी फंडातून निधी उपलब्ध करून देणे, गो-रक्षणाकरता असलेल्या पांजरपोळ्यांना व मोफत नेत्र तपासणी शिबिराला साहाय्य करणे, अनेक समाजसेवी संस्थांना आवश्यक ती मदत करणे इत्यादी विधायक कार्य करत आपली बँक समाजऋणाप्रती आपल्या भावना कृतीयुक्त मार्गाने प्रकट करत असते. पुढची पिढी ही आपल्याकरता आशेचा किरण आहे, हे ओळखून बँक त्यांच्यातील कलागुणांना वाव मिळावा ह्याकरता एकांकिका स्पर्धांसह विविध कलास्पर्धा आयोजित करून, त्यांना रंगमंच उपलब्ध करून देते. अर्थकारणाच्या उद्दिष्टाव्यतिरिक्त असलेला हा एक स्तुत्य उपक्रम आहे. महिला उद्योजकांना आर्थिक बळ मिळावे ह्या हेतूने कमी व्याजदरात कर्ज उपलब्ध करून देणे हा उदात्त हेतू असलेला बँकेचा उत्तम प्रकल्प आहे. आपल्या ग्राहकांच्या अर्थकारणाची योग्य ती जबाबदारी स्वीकारून बँकेने त्यांच्याकरता विविध कल्याणकारी योजना कार्यान्वित केलेल्या आहेत. त्या सर्व योजनांना ग्राहकांकडून भरघोस प्रतिसाद मिळत असल्याचे आकडेवारीवरून सिद्ध झाले आहे. संतुलित आणि स्वच्छ कारभार तसेच प्रांजळ सेवा देणार्या आपल्या बँकेला 2015 पासून सातत्याने आंतरराष्ट्रीय मानांकन प्राप्त होत आहे, ह्याबद्दल आपल्या सर्व कर्मचार्यांचे आणि पदाधिकार्यांचे मनःपूर्वक अभिनंदन ! बँकेच्या प्रगतीशील वाटचालीसाठी 38 हून अधिक पुरस्कारांनी सन्मानित करण्यात आले आहे. बँकिंग फ्रंटीअर्सचा, बेस्ट सीबीएस इम्प्लिमेंटेशन पुरस्कार, ग्रीन वर्ल्ड पब्लिकेशनतर्फे ग्रीन वर्ल्ड सहकार भूषण पुरस्कार, बँको पुरस्कार, महाराष्ट्र बँक फेडरेशनचा सर्वोत्कृष्ट बँक पुरस्कार बँकेची यशस्वीता दर्शवतात

श्री छत्रपती राजर्षी शाहू अर्बन को-ऑप. बँक लि., बीड, जिल्हा बीड

2023

श्री छत्रपती राजर्षी शाहू अर्बन को-ऑप. बँक लि., बीड, जिल्हा बीड

2023

तपशील

सामाजिक न्यायाचे प्रणेते आणि सर्वसामान्यांच्या उद्धाराचे नायक श्री छत्रपती राजर्षी शाहू यांच्या विचारांचा वसा पुढे चालवण्याच्या उद्देशाने स्थापन करण्यात आलेल्या आणि बीड जिल्ह्यात एकूण 46 शाखांच्या माध्यमातून कार्यरत असलेल्या आपल्या बँकेने सहकार सप्ताहाचे आयोजन करत सहकार जागृती आणि बळकटीकरता योगदान दिले आहे. सभासदांचे हित विचारात घेत बँकिंगच्या माध्यमातून अचूक आणि समाधानी सेवा देण्याकरिता विविध प्रशिक्षण कार्यात सहभाग नोंदवला आहे. आपण समाजाचे देणे लागतो, या कर्तव्यभावनेतून बँकेने सुशिक्षित बेरोजगारांना रोजगाराच्या संधी उपलब्ध करून दिल्या, तसेच रक्तदान शिबिर, देवस्थानास पाणी शुद्धीकरणासाठी व्यवस्था, वंचित आणि एड्सग्रस्त मुलांचे संगोपन करणार्या संस्थांना मदत, राष्ट्रमाता जिजाऊ जयंतीप्रित्यर्थ सिंदखेडराजा शहरात अतिथींना अल्पोपहाराची व्यवस्था, गो-पालनाचे सात्विक आणि पवित्र कार्य करणार्या संस्थेला आणि चार्यासाठी मदतनिधी, पाणपोई, वैद्यकीय शिबिरांना सामाजिक मदत, नैसर्गिक आणि कृत्रिम संकटातून सावरण्यासाठी सहायता निधी अशा विविध सामाजिक उपक्रमांमध्ये सहभाग नोंदवला आहे. बीडच्या संस्कार भारती संस्थेच्या कंकालेश्वर महोत्सवासाठी निधी देत सांस्कृतिक क्षेत्रातही योगदान दिले आहे. गरजू विद्यार्थ्यांना गणवेशासह शैक्षणिक साहित्याचे वाटप आणि शैक्षणिक वर्षात उत्कृष्ट गुण मिळविणार्या सभासदांच्या पाल्यांना शैक्षणिक साहित्याचे वाटप करत शैक्षणिक उपक्रमातही योगदान दिले आहे. बँकेची अतिशय उत्कृष्ट व्यवस्थापन कार्यप्रणाली असून सहकारातील नैतिकता जपत बँकेला यश प्राप्त करून देण्यासाठी आपण सर्वजण झटत आहात. उत्कृष्ट सर्वांगीण कार्याबद्दल आपल्या बँकेस युवकमुद्रा राज्यस्तरीय सहकारी बँक प्रतियोगिता पुरस्कारासह अविज् पब्लिकेशनचा बँको पुरस्कार, दि महाराष्ट्र अर्बन फेडरेशनचा पुरस्कार, बँकिंग फ्रंटीअर्सचे कोअर बँकिंग प्रणाली पुरस्कार, उत्कृष्ट एटीएम प्रणाली पुरस्कार अशा विविध विभागांतील अनेक मानाचे सन्मान आपणास प्राप्त झाले आहेत.

हवेली सहकारी बँक मर्यादित, मोशी, जिल्हा पुणे

2024

श्री गोवर्धनसिंहजी रघुवंशी सहकारी बँक लि., नंदुरबार

2024

दि वणी मर्चन्टस् को ऑप. बँक लि., वणी, जिल्हा नाशिक

2024

प्रियदर्शनी अर्बन को ऑप. बँक लि., कळंब, जिल्हा उस्मानाबाद

2024

ब्रम्हपुरी अर्बन को ऑप. बँक लि., ब्रम्हपुरी, जिल्हा चंद्रपूर

2024

नवी मुंबई को ऑप. बँकलि., वाशी, नवी मुंबई

2024

दि माढेश्वरी अर्बन डेव्हलपमेंट को ऑप बँक लि., माढा, जिल्हा सोलापूर

2024

दि तासगाव अर्बन को ऑप. बँक लि., तासगाव, जिल्हा सांगली

2024

दि अर्बन को ऑप. बँक लि., धरणगाव, जिल्हा जळगाव

2024

प्रियदर्शनी नागरी सहकारी बँक मर्यादित, जालना

2024

वणा नागरीक सहकारी बँक लि., हिंगणघाट, जिल्हा वर्धा

2024

राजापूर अर्बन को ऑप. बँक लि., राजापूर, जिल्हा रत्नागिरी

2024

दि लाला अर्बन को ऑप. बँक लि., नारायणगाव, जिल्हा पुणे

2024

दि संगमनेर मर्चंटस् को ऑप. बँक लि., संगमनेर, जिल्हा अहमदनगर

2024

श्री स्वामी समर्थ सहकारी बँक लि., निघोज, जिल्हा अहमदनगर

2024

अभिनंदन अर्बन को ऑप. बँक लि., अमरावती

2024

दि वसई जनता सहकारी बँक लि., वसई, जिल्हा पालघर

2024

कृष्णा सहकारी बँक लि., रेठरे बुद्रुक, जिल्हा सातारा

2024

विश्वास को ऑप बँक लि., नाशिक

2024

सुंदरलाल सावजी अर्बन को ऑप बँक लि., जिंतूर, जिल्हा परभणी

2024

श्री कन्यका नागरी सहकारी बँक लि., चंद्रपूर

2024

मॉडेल को ऑप. बँक लि., मुंबई

2024

दि हस्ती को ऑप. बँक लि., दोंडाईचा, जिल्हा धुळे

2024

श्री छत्रपती राजर्षी शाहू अर्बन को ऑप. बँक लि., बीड

2024

अरविंद सहकारी बँक लि., काटोल, जिल्हा नागपूर

2024