दि महाराष्ट्र राज्य सहकारी बँक्स् असोसिएशन लि., मुंबई

बद्दल

विश्वास को-ऑप. बँक लि., नाशिक या संस्थेची स्थापना श्री. विश्वास जयदेव ठाकूर यांनी वयाच्या २७ व्या वर्षी केली असून स्थापनेपासून आतापर्यंत म्हणजेच गेल्या २५ वर्षांपासून ते अध्यक्ष म्हणून कार्यरत आहेत. बँकेला प्रगतीपथावर नेण्यासाठी त्यांनी अथक प्रयत्न केले आहेत. दि महाराष्ट्र स्टेट को-ऑप. बँक्स असोसिएशन लि., मुंबई या संस्थेचे माजी कार्याध्यक्ष व विद्यमान संचालक म्हणून त्यांची मागील १५ वर्षांची कारकीर्द महत्त्वपूर्ण ठरली आहे. तसेच नाशिक जिल्हा नागरी सहकारी बँक्स असोसिएशनचे माजी कार्याध्यक्ष व विद्यमान अध्यक्ष म्हणून असोसिएशनला अनेक अभ्यासपूर्ण उपक्रमांच्या माध्यमातून त्यांनी नावलौकिक संपादन करून दिला आहे. त्यांच्या नेतृत्त्वाखाली सन २०११मध्ये अभूतपूर्व अशी राज्यस्तरीय नागरी सहकारी परिषद, नाशिक येथे संपन्न झाली. आता , डिसेंबर २०२३ मध्ये म्हणजे तब्बल एक तपानंतर पुन्हा एकदा नाशिक येथे अशी परिषद संपन्न होणार आहे. श्री. विश्वास ठाकूर यांनी केंद्र व राज्य शासनाच्या अनेक समित्यांवर सदस्य म्हणून काम केलेले असून त्यात सहकार विभागाच्या सुखठणकर समिती, स्वयंसहाय्यता गटांचे स्वसंवर्धन व विकास करण्यासाठी कोअर ग्रुप, सहकारी बँकिंग क्षेत्राच्या स्टडी ग्रुप, यशदा पुणे यांच्या विचारमंच समिती, कृषि व सहकार विभाग, भारत सरकारच्या आंतरराष्ट्रीय सहकार वर्ष उच्चस्तरीय समितीवर अशासकीय सदस्य, सहकार, पणन व वस्त्रोद्योग विभाग, महाराष्ट्र शासनाच्या बँकिंग रेग्युलेशन कायदा १९४९ सुधारणा अशा विविध समित्यांवर त्यांनी काम केले आहे. नॅशनल फेडरेशन ऑफ अर्बन को-ऑप. बँक्स अॅण्ड क्रेडिट सोसायटीज् लि. (नॅफकब), नवी दिल्ली संस्थेवर मा. केंद्रीय कृषि व सहकारमंत्री यांचे प्रतिनिधी म्हणून संचालक या नात्याने काम केलेले आहे.

सहकार क्षेत्राबरोबरच अनेक सामाजिक, शैक्षणिक, क्रिडा, सांस्कृतिक संस्थांवर ते कार्यरत आहेत. त्यात मॉडर्न एज्युकेशन सोसायटी, नाशिक या शैक्षणिक संस्थेचे सेक्रेटरी, नाशिक जिल्हा खो-खो असोसिएशनचे अध्यक्ष, नॅब डॉ. एम. एस. मोडक सेंटर, नाशिकचे कोषाध्यक्ष, अखिल भारतीय मराठी नाट्य परिषद, महाराष्ट्र राज्य कुटुंब कल्याण कार्यालय, पुणे व जिल्हा रुग्णालय, नाशिक आदी संस्थांवर त्यांची 'शासन प्रतिनिधी' म्हणून नियुक्ती झालेली आहे. त्यांना आजपर्यंत त्यांच्या विविध क्षेत्रातील कार्याबद्दल राष्ट्रीय / राज्यस्तरीय / जिल्हास्तरीय अशा ४५ पुरस्कारांनी सन्मानित करण्यात आलेले आहे. त्यात इंदिरा गांधी प्रियदर्शनी अॅवॉर्ड, उद्योगश्री विशेष गौरव पुरस्कार, महाराष्ट्र गौरव पुरस्कार, संस्कृती सन्मान पुरस्कार, बिझनेस एक्सलेन्स पुरस्कार, सहकार रत्न पुरस्कार, बेस्ट युथ चेअरमन पुरस्कार, सर्वोत्तम अध्यक्ष पुरस्कार, प्राऊड महाराष्ट्रीयन अॅवॉर्ड, सकाळ एक्सलेन्स अॅवॉर्ड, खान्देश रत्न पुरस्कार, इन्स्पायरिंग लिडर्स लिडर ऑफ दि ट्रस्टेड को-ऑप. बँक आदी पुरस्कार त्यांना प्राप्त झाले आहेत.

श्री. विश्वास ठाकूर यांच्या कार्यकुशल कर्तुत्वाची नोंद विविध माध्यमांनी घेतली आहे व घेत असतात. त्यात दि टाइम्स ऑफ इंडिया, फोर्ब्स इंडिया मॅगेझीन, फॉर्च्यून इंडिया मॅगेझीन, नो युवर टाऊन मॅगेझीन, खरेखुरे लिडर्स अशा भारतातील व जगभरातील नामांकित मासिकांचा समावेश आहे. श्री. ठाकूर यांचे प्रभावशाली व्यक्तिमत्त्व या सर्व परिचयातून उलगडले आहे.

बद्दल

यवतमाळ जिल्हा मध्यवर्ती सहकारी बँक, यवतमाळ येथे गेली २७ वर्षापासून संचालक तसेच सात वर्षापासून उपाध्यक्ष म्हणून त्यांनी नावलौकिक संपादन केला आहे. महाराष्ट्र राज्य बँक्स असोसिएशनचे संचालक म्हणून सहकार विषयक उपक्रमांत त्यांचा सक्रीय सहभाग असतो.

सहकार विषयक प्रश्नांची त्यांना सखोल जाण आहे. त्यामुळेच केंद्र व राज्य शासनाच्या समित्यांवर त्यांची नियुक्ती करण्यात आली होती त्यात महाराष्ट्र राज्य शैक्षणिक सल्लागार समिती, महाराष्ट्र राज्य अधिस्वीकृती समिती आदींचा समावेश आहे. सामाजिक क्षेत्रातील कार्य ते तळमळीने करत असतात. त्यात टेबल टेनिस खेळाडूंकरीता असलेल्या समित्यांवर उपाध्यक्ष म्हणून तसेच देवस्थान घुईखेडचे अध्यक्ष म्हणून विविध धार्मिक उपक्रम ते राबवत असतात. ते संचालक म्हणून महाराष्ट्र स्टेट हौसिंग फायनान्स कार्पोरेशन मुंबई व महाराष्ट्र राज्य शिक्षण संस्था महामंडळावर उपाध्यक्ष म्हणून कार्यरत आहे

बद्दल

दि जळगांव जिल्हा मध्यवर्ती सहकारी बँकेवर ते २० वर्षांपासून संचालक असून २ वर्ष उपाध्यक्ष पद भूषविले आहे. महाराष्ट्र राज्याच्या मंत्रीमंडळात त्यांनी परिवहन,कृषी, दुग्धविकास, पशुसंवर्धन, जल संधारण, रोजगार, स्वयंरोजगार राज्यमंत्री म्हणून कार्यभार सांभाळला आहे.

तसेच जळगांवच्या सामाजिक, सांस्कृतिक, शैक्षणिक क्षेत्रात त्यांचा नावलौकीक आहे. श्रीकृष्ण शैक्षणिक व सांस्कृतिक मंडळाचे अध्यक्ष म्हणून शैक्षणिक संस्था, हॉस्पिटल, मेडिकल सुविधा उपलब्ध करून देण्यासाठी संस्था काम करत असते. मध्यवर्ती जिल्हा सहकारी बँकिंग क्षेत्राच्या अडीअडचणी सोडवण्यासाठी संघटनात्मक पातळीवर ते प्रयत्न करत असतात. शेतकरीवर्ग, सर्वसामान्य ग्राहक यांच्या हितासाठी मध्यवर्ती सहकारी बँका ह्या जीवनवाहिनी आहेत, ह्या उक्तीने त्यांनी अनेकांना मदत मिळवून दिलेली आहे. शैक्षणिक संस्थांच्या माध्यमातून अनेक गरजु मुलांना त्यांनी शिक्षणाची सुविधा उपलब्ध करुन दिली आहे व त्यांचे भविष्य उज्ज्वल केले आहे. समाजकारणाच्या माध्यमातून जनतेचे प्रश्न सोडविणे यासाठी सर्वसामान्यांना पतपुरवठा मिळवून देण्यासाठी सहकारी संस्था उपयुक्त आहेत, या जाणिवेतून त्यांचे कार्य सुरु आहे.

बद्दल

सुंदरलाल सावजी अर्बन को-ऑप. बँक लि., जिंतूर, जि. परभणी या बँकेचे ३० वर्षांपासून संचालक म्हणून कार्यरत आहेत. त्यात अध्यक्ष म्हणून २० वर्षे उत्कृष्ट व्यवस्थापनाने नावलौकीक संपादन केला आहे. महाराष्ट्र राज्य नागरी सहकारी बँक्स असोसिएशनवर संचालक म्हणून कार्यरत आहेत. अध्यक्ष म्हणूनही त्यांनी काम पाहिले आहे. ग्राहक, सभासदांसाठी अनेक नाविन्यपूर्ण योजना त्यांनी बँकेमार्फत राबवल्या आहेत.

महाराष्ट्र राज्याच्या गृह खात्याच्या तालुका होमगार्ड कमांडर म्हणून त्यांची नियुक्ती झाली होती. तसेच सहकाराबरोबरच सामाजिक क्षेत्रातही त्यांचे कार्य सुरु आहे. ग्रामविकास संस्थेचे ते ३० वर्षांपासून संस्थापक अध्यक्ष असून सुंदरलाल सावजी ट्रस्टच्या माध्यमातून गेल्या तीस वर्षांपासून आदिवासी मुलांना शिष्यवृत्ती दिली जाते त्या समितीचे ते अध्यक्ष आहेत.

त्यांना सहकार व सामाजिक कार्याबद्दल महाराष्ट्र राज्य वन विभागातर्फे वृक्षारोपणाबद्दल वनश्री पुरस्कार, जिंतूर भूषण पुरस्कार, बँक असोसिएशनतर्फे मराठवाड्यातील उत्कृष्ट बँक म्हणून वसंतदादा पाटील पुरस्कार, बँको पुरस्कार, उत्कृष्ट एनपीए व्यवस्थापनाबद्दल 'फ्रंटीअर पुरस्कार' देऊन गौरविण्यात आले आहे

बद्दल

पुणे जिल्हा मध्यवर्ती सहकारी बँक मर्यादित, पुणे येथे गेल्या १६ वर्षांपासून संचालक म्हणून कार्यरत आहेत. अध्यक्ष म्हणून ५ वर्ष ६ महिने कार्यकाल यशस्वीपणे पार पाडला आहे. सहकार क्षेत्रातील कार्याबरोबरच त्यांचे शैक्षणिक, सामाजिक क्षेत्रातील कार्य उल्लेखनीय आहे त्यात सावित्रीबाई फुले पुणे विद्यापीठ अभ्यास मंडळ बँकिंग व इन्शुरन्स सदस्य, रयत शिक्षण संस्था, सातारा पश्चिम विभागीय सल्लागार समिती सदस्य, वाघेरे महाविद्यालय, सासवड सदस्य, महाविद्यालय विकास समिती, साधना युथ फाऊंडेशन उपाध्यक्ष पुरंदर आदी संस्थांचा समावेश आहे.

श्री. दुर्गाडे यांना विविध क्षेत्रातील कामगिरीबद्दल मणिभाई देसाई ट्रस्ट, उरूळीकांचनतर्फे आदर्श शिक्षक पुरस्कार, नवदिशा फाऊंडेशन, वाल्हेचा आदर्श शिक्षक पुरस्कार, पुणे जिल्हा प्राथमिक शिक्षक संघातर्फे शरद भूषण पुरस्कार व इंदापूर तालुका पत्रकार संघातर्फे मूकनायक पुरस्कार देऊन सन्मानित करण्यात आलेले आहे. शिक्षण व सहकार क्षेत्र हे जीवन व्यवहाराचे दोन मुलभूत घटक असून त्यांची जाणिव विकसित होण्यासाठी शैक्षणिक उपक्रमांमध्ये त्याचा समावेश असावा, याविषयी ते मार्गदर्शन करित असतात. महाविद्यालयीन पातळीवर अर्थसाक्षरता विषयी ते जागरुकता निर्माण करतात.

बद्दल

शिक्षण क्षेत्रात कार्यरत असलेले व सहकार क्षेत्रातही अभ्यासू व्यक्तिमत्त्व म्हणून प्रा. संजय भेंडे सुपरिचित आहेत. सहकार क्षेत्रातील व्यवस्थापनात नवनवीन संकल्पनांचा स्वीकार करण्यात आग्रही असणारे व्यक्तिमत्त्व म्हणून त्यांची ओळख आहे. नागपूर नागरिक सहकारी बँकेचे ३४ वर्षांपासून संचालक असून ७ वर्षे अध्यक्ष व १२ वर्ष उपाध्यक्ष म्हणून यशस्वीपणे बँकेला प्रगतीपथावर नेले आहे.

सहकारातील अनेक महत्त्वाच्या संस्थांवर त्यांनी काम केले आहे. नॅशनल फेडरेशन ऑफ अर्बन को-ऑप. बँक्स क्रेडीट सोसायटी लि. (नॅफकब) नवी दिल्ली या संस्थेवर संचालक, महाराष्ट्र राज्य बँक्स असोसिएशन कार्याध्यक्ष व संचालक, महाराष्ट्र राज्य बँक्स फेडरेशनवर तज्ज्ञ संचालक म्हणून त्यांची कारकिर्द यशस्वी ठरली आहे. तसेच राज्य व केंद्र शासनाच्या विविध समित्यांवर त्यांची नियुक्ती झाली होती. त्यात महाराष्ट्र शासनाच्या पोटनियम दुरुस्ती समितीवर, महाराष्ट्र राज्य सहकारी बँकेवर प्रशासक, नागपूर जिल्हा मध्यवर्ती सहकारी बँकेच्या प्रशासक मंडळावर, नागपूर महिला सहकारी बँकेवर प्रशासक आदींचा समावेश आहे.

सामाजिक, सांस्कृतिक क्षेत्रातही ते कार्यरत आहेत. मैत्री परिवार संस्था अध्यक्ष, प. बच्छराज व्यास स्मृती संस्थेवर, जनकल्याण बहुउद्देशीय संस्थानवर, गजानन क्रिडा मंडळाचे सचिव म्हणून कार्यरत आहेत. सामाजिक क्षेत्रातील कार्याबद्दल विवेकानंद सेवा संस्था नागपूरचा विवेकानंद पुरस्कार देऊन त्यांना गौरविण्यात आले आहे

बद्दल

गडचिरोली जिल्हा मध्यवर्ती सहकारी बँकेचे अध्यक्ष म्हणून कार्यरत आहेत. महाराष्ट्र राज्य सहकारी बँक्स असोसिएशन वर गेली १४ वर्षे ते संचालक म्हणून कार्यरत आहेत. ग्रामीण भागातील जनतेसाठी सहकार विषयक अनेक योजना त्यांनी कार्यान्वित केल्या आहेत.

समाजकार्य व विकास संस्था आरमोरीचे संचालक, दि गडचिरोली जिल्हा वाहतूक सहकारी संस्था आरमोरीचे संचालक, दि गडचिरोली जिल्हा नागरी सहकारी बँक मर्या. चे संचालक, शेतकी खरेदी-विक्री सहकारी संस्था मर्या. कोरचीचे सदस्य म्हणून त्यांचे कार्य उल्लेखनीय आहे. त्यांची शासनातर्फे गोंडवाना विद्यापीठ, गडचिरोलीच्या महाविद्यालय व विद्यापीठ विकास समितीवर तसेच बोर्ड ऑफ रिसर्च समितीवर सदस्य म्हणून नियुक्ती करण्यात आलेली आहे. सहकारात युवा पिढीचा सहभाग वाढावा, यासाठी विविध व्याख्यानातून ते उद्बोधन करत असतात. त्यांच्या उल्लेखनीय कार्याबद्दल दैनिक सकाळ समुहातर्फे 'सकाळ सन्मान' तसेच दैनिक लोकमत समूहातर्फे 'लोकमत युवा नेक्स्ट पॉलिटिकल आयकॉन युथ ऑफ विदर्भ' आदी पुरस्कार देऊन सन्मानित करण्यात आले आहे.

बद्दल

गेल्या अठरा वर्षांपासून अंबरनाथ जयहिंद को-ऑप बँकेच्या संचालिका आहेत. बँकेसाठी काम करताना त्यांनी नवनवीन कर्जाचे प्रकार बँकेत आणले. महिलांसाठी 'अंबर सखी बचत खाते' सुरु केले. त्याला भरघोस प्रतिसाद मिळाला. बँकेला मिळालेल्या अनेक पुरस्कारांमध्ये त्यांचे योगदान आहे.

सहकार क्षेत्राबरोबर सामाजिक व शैक्षणिक क्षेत्रातील त्यांचे योगदान लक्षणीय आहे. सी.एच.एम. कॉलेज, उल्हासनगर येथे प्राध्यापिका म्हणून त्यांनी उत्तम अध्यापन केले आहे. तसेच तेथे मॅनेजमेंट स्टडीज विभागाचे विभागप्रमुख म्हणून काम पाहिले आहे.

इनरविल क्लब ऑफ अंबरनाथ या आंतरराष्ट्रीय सामाजिक संस्थेच्या अध्यक्षा, खजिनदार म्हणून अनेक महत्त्वपूर्ण उपक्रम राबवले आहेत. २०१६मध्ये एका आदिवासी शाळेला विविध सुविधा उपलब्ध करून देऊन हॅपी स्कूल बनवले. औद्योगिक क्षेत्रातीलही त्यांचे कार्य कौतुकास्पद असुन कल्याण अंबरनाथ मॅन्युफॅक्चरींग असोसिएशनच्या कार्यकारी सभासद म्हणून लक्षवेधी काम केले आहे. अभ्यासपूर्ण कार्यशैली व महिला विकासासाठी नागरी सहकारी बँकांची उपयुक्तता यासाठी सातत्याने त्या प्रबोधन करत असतात.

बद्दल

भारती सहकारी बँक लि., पुणे येथे गेली ८ वर्षांपासून संचालक म्हणून कार्यरत असून अध्यक्ष म्हणून ४ वर्ष धुरा सांभाळली आहे. व्यवसायाने चार्टर्ड अकौंटंट असून आर्थिक क्षेत्रातील त्यांच्या अभ्यासपूर्ण ज्ञानाचा उपयोग बँकेला व ग्राहकांना होत असतो.

बँकेच्या वाटचालीत त्यांचे मोलाचे योगदान आहे. सहकाराबरोबरच शैक्षणिक क्षेत्रातही त्यांचे काम आहे. त्यामुळेच भारती विद्यापीठ, पुणे या नामांकित विद्यापीठाचे ते वित्त व लेखा परिक्षण विभागाचे संचालक आहेत.

सहकाराबरोबरच सामाजिक, सांस्कृतिक क्षेत्रातील श्री. कड यांचे कार्य उल्लेखनीय आहे. सर्वसामान्यांचे हित जोपासणाऱ्या नागरी सहकारी बँकांच्या चळवळीचा उद्देश व उपयुक्तता तळागाळापर्यंत नेण्यासाठी सहकार अभियानात त्यांचा कृतीशील सहभाग असतो.

ठेवीदार, बँक, कर्जदार या नात्यातील समन्वय राहावा, यासाठी समुपदेशन ते करित असतात. तसेच बँकेसाठी निरपेक्ष भावनेने काम करणारे ग्राहक तसेच अधिकारी, कर्मचारी यांच्यातील संघभावना वाढीस लागावी, याविषयी ते मार्गदर्शन करतात. अर्थव्यवस्थेत सातत्याने होणारे बदल त्याविषयी जनसामान्यांपर्यंत साध्या-सोप्या भाषेत विचार व्यक्त करित असतात व बँकिंग कर्मचारी वर्गासाठी कार्यशाळा घेतात.

बद्दल

३७ वर्षांपासून सहकार क्षेत्रात श्री. सुभाष जोशी कार्यरत आहेत. कराड अर्बन को- • ऑप. बँक लि., कराडचे ६ वर्षे अध्यक्ष व १३ वर्षे उपाध्यक्ष म्हणून त्यांनी काम पाहिले असून, त्यांनी अनेक सहकार विषयक उपक्रम राबविले आहेत. सहकार भारतीच्या बँकिंग कक्ष समितीवर तसेच महाराष्ट्र शासनाच्या सहकार खात्याच्या 'थिंक टँक' समितीवर त्यांची नियुक्ती अभ्यासपूर्ण ठरली आहे. अपंगांना मदत करणाऱ्या डॉ. द. शि. एरम अपंग सहाय्य संस्था, कराड या संस्थेवर माजी सचिव तसेच दि कराड अर्बन सामाजिक कृतज्ञता न्यास, कराडतर्फे सभासदांच्या वैद्यकीय खर्चाकरिता असलेल्या संस्थेचे ते माजी अध्यक्ष होते. नॅशनल एग को-ऑर्डीनेशन कमिटी, मिरज झोनचे चेअरमन, लायन्स क्लब ऑफ कराडचे संस्थापक सदस्य, शिक्षण मंडळ, नगरपरिषद कराडचे माजी अध्यक्ष, कराड येथे २००३ मध्ये संपन्न झालेल्या ७६व्या अखिल भारतीय मराठी साहित्य संमेलनाचे ते कार्याध्यक्ष होते. २००४ मध्ये संपन्न झालेल्या ८७व्या अखिल भारतीय मराठी नाट्य संमेलनाचे ते स्वागताध्यक्ष होते. त्यांच्या या विविध क्षेत्रातील कार्याबद्दल कोल्हापूरचा आदर्श संचालक पुरस्कार, डॉ. पतंगराव कदम प्रतिष्ठान, सातारातर्फे 'जीवनरत्न' पुरस्कार, बिझनेस एक्सप्रेस, सांगलीतर्फे 'श्री-२०११' पुरस्कार तसेच माजी विद्यार्थी संघ, टिळक हायस्कूल कराडतर्फे दिला जाणारा 'सहकार भूषण' पुरस्कार देऊन सन्मानित करण्यात आले आहे.

बद्दल

    अलिबाग को-ऑप. बँकेच्या संचालिका पदाच्या माध्यमातून सहकार बँकिंगसाठी अनेक महत्त्वाचे उपक्रम राबवित असतात. महिला विकासाच्या विविध शासकीय योजना महिलांपर्यंत पोहोचविणे व उद्योग व्यवसायासाठी अर्थपुरवठा उपलब्ध करुन देण्यासाठी कायमच प्रयत्नशील.
    महाराष्ट्र राज्य बँक असोसिएशनच्या संचालिका तसेच नागरी सहकारी बँक्स असोसिएशनच्या माध्यमातून अनेक उपक्रम सामाजिक जाणिवेतून जनतेपर्यंत नेण्याचे काम करीत असतात. सेवाभावी व विकासात्मक विचारातून सहकारातील कार्य उल्लेखनीय आहे. महाराष्ट्र शासनाच्या ग्रामीण विकास जिल्हास्तरीय समिती बहुकायदा, फेररचना समितीवर तसेच अ‍ॅक्रीडेशन समितीवर यशस्वीपणे काम केले आहे. याबरोबरच सामाजिक, सांस्कृतिक क्षेत्रात बहुमोल योगदान आहे.
    रायगड जिल्हा पत्रकार संघाच्या अध्यक्षा असून पत्रकारांच्या प्रश्‍नांची सोडवणूक केलेली आहे. पी.एन.पी. एज्युकेशन सोसायटीच्या संचालिका म्हणून शिक्षण व्यवस्थेतील आधुनिक संकल्पना रुजवल्या आहेत. सहकार, सामाजिक कार्याबद्दल विलासराव देशमुख शिक्षण प्रसारक व बहुउद्देशीय संस्था बुलडाण्याचा ‘राज्यस्तरीय सवित्री पुरस्कार’, अखिल भारतीय मराठी पत्रकार परिषदेचा रावसाहेब गोगटे उद्योगिता पुरस्कार, उद्योगिनी मासिकाचा उद्योगिनी पुरस्कार वाटचालीला बळ देणारे आहे.
    सहकार क्षेत्रातील एक अभ्यासू व्यक्तिमत्त्व म्हणून संपूर्ण महाराष्ट्रात सुपरिचित आहेत.

बद्दल

गांधीबाग सहकारी बँक लि., नागपूर या बँकेवर गेली ४० वर्षे कार्यरत असून मागील १५ वर्षापासून अध्यक्षपद भूषवित आहेत. सहकार क्षेत्रातील महत्वाच्या संस्थांवर त्यांचे काम वैशिष्टपूर्ण आहे. महाराष्ट्र राज्य बँक्स असोसिएशन, नागरी सहकारी बँक असोसिएशन आदि संस्थावर त्यांचे काम उत्तम कार्यशैलीचा नमुना म्हणावा लागेल तसेच महाराष्ट्र राज्य सहकारी बँक लि., मुंबईवर संचालक म्हणून २३ वर्षापासून व उपाध्यक्ष म्हणून २ वर्ष त्यांची कारकीर्द यशस्वी राहिली आहे.

दि विदर्भ प्रिमिअर को-ऑप हौ. सोसायटीवर १५ वर्ष अध्यक्ष तसेच संचालक म्हणून ३० वर्षापासून कार्यरत आहेत. या बरोबरच सामाजिक शैक्षणिक, धार्मिक क्षेत्रातही त्यांचा वावर आहे. महाराष्ट्र स्टेट को-ऑप कन्झ्युमर्स फेडरेशन लि., मुंबईचे माजी संचालक, नागपूर नागरी सहकारी रुणालय नागपूरचे माजी अध्यक्ष, नागपूर विद्यापीठाचे माजी सिनेट मेंबर व संत केजाजी महाराज देवस्थानाचे अध्यक्ष म्हणून त्यांचे कार्य दिशादर्शक ठरले आहे. त्यांना विविध क्षेत्रातील कार्याबद्दल नवी दिल्लीचा राष्ट्रीय उद्योग रत्न अवॉर्ड व राष्ट्रीय निर्माण रत्न अवॉर्ड सुवर्णपदक देऊन गौरवण्यात आले आहे.

बद्दल

दि हस्ती को-ऑप. बँक लि.चे १८ वर्षांपासून संचालक असून अध्यक्ष म्हणून १० वर्षांची यशस्वी कारकीर्द ठरली आहे. सहकाराबरोबरच सामाजिक, सांस्कृतिक, शैक्षणिक, क्रीडा क्षेत्रातील त्यांचे कार्य लोकाभिमुख ठरले आहे. हस्ती चॅरिटेबलचे संचालक असून हस्ती पब्लिक स्कूलचे चेअरमन, बहुउद्देशीय सांस्कृतिक भवनचे सदस्य, लायन्स क्लब, दोंडाईचाचे संस्थापक अध्यक्ष, खेळाचा प्रसार व प्रचार करणाऱ्या जिल्हा पातळीवरील विविध क्रिडा संघटनांचे ते अध्यक्ष, उपाध्यक्ष, सदस्य म्हणून कार्यरत आहेत.

शिक्षण सर्वांना मिळावे या चळवळीत ते अग्रणी आहेत. त्या माध्यमातून गरजू मुलांसाठी अभ्यासवर्ग, शालोपयोगी वस्तू ते उपलब्ध करुन देत असतात. हस्ती चॅरिटेबल ट्रस्टच्या माध्यमातून विविध उपक्रमांचे सातत्याने आयोजन करण्यासाठी ते प्रयत्नशील असतात. गुणवंत क्रिडा खेळाडुंसाठी व्यासपीठ उपलब्ध करुन देण्यासाठी त्यांचा मोलाचा सहभाग असतो. शिक्षण विषयक उपक्रमांच्या माध्यमातून विद्यार्थ्यांच्या गुणवत्ता वाढीसाठी विविध उपक्रमांचे ते आयोजन करतात व त्यामुळे विद्यार्थ्यांच्या करिअरला, दिशा मिळाली आहे. सहकार बँकिंगमधील नवनवीन ध्येय धोरणे यांच्याविषयी मार्गदर्शन करित असतात. समाजाविषयी तळमळ असलेले त्यांचे व्यक्तीमत्त्व आहे.

बद्दल

दि देवळा मर्चंटस् को-ऑप. बँकेचे ८ वर्षांपासून संचालक म्हणून यशस्वीपणे कार्य करीत आहेत. उत्तम जनसंपर्क, प्रश्न सोडवण्याची हातोटी हे त्यांचे वैशिष्ट्य आहे, त्यामुळेच बँकेच्या विकासात्मक वाटचालीत त्यांचे कार्य लक्षणीय आहे.

नाशिक जिल्हा नागरी सहकारी बँक्स असोसिएशनवर संचालक म्हणून ते कार्यरत असून तेथेही कार्याध्यक्ष म्हणून महत्त्वपूर्ण काम केले आहे. सहकाराबरोबरच, शैक्षणिक, उद्योग, क्रीडा, शेती, अध्यात्मिक, सामाजिक क्षेत्रात त्यांचे कार्य उल्लेखनीय आहे. त्यात किशोर सूर्यवंशी इंटरनॅशनल स्कूलचे संस्थापक, श्री सप्तश्रृंगी निवासिनी देवी ट्रस्ट सप्तशृंग गड मा. विश्वस्त, सातारा सैनिक स्कूल माजी विद्यार्थी असोसिएशनचे माजी अध्यक्ष, नाशिक इंडस्ट्रीज वेल्फेअर सेंटरचे संचालक (निवेक), प्रो-देवशीला फार्म्स, प्रो- देवशीला पेट्रोलियम, नाशिक जिल्हा क्रिकेट असोसिएशन, मराठा विद्या प्रसारक समाज नाशिक, लायन्स क्लब ऑफ पंचवटी नाशिकचे, बिल्डर्स असोसिएशन ऑफ इंडिया आदी संस्थांचे सदस्य म्हणून कार्यरत आहेत.

ग्रामीण भागातील विद्यार्थ्यांपर्यंत शिक्षण, रोजगाराच्या संधी उपलब्ध होण्यासाठी ते पुढाकार घेत असतात व योग्य मार्गदर्शन करित असतात.

बद्दल

औरंगाबाद जिल्हा मध्यवर्ती सहकारी बँकेवर गेली दोन वर्षे संचालक म्हणून कार्यरत आहेत.

शेतकरी व जनसामान्यांचे प्रश्न सोडविण्यासाठी कायमच आग्रही भूमिका घेत असतात. सहकार व समाजकारणात ते आपले वेगळेपण टिकवून आहेत. सरपंच, खरेदी विक्री संघ, मध्यवर्ती सहकारी बँक, विविध कार्यकारी सोसायटी अशा विविध संस्थांवर त्यांनी यशस्वीपणे कार्य केले आहे. ग्रामीण भागातील शेतकऱ्यांच्या अडीअडचणी सोडवण्यासाठी त्यांनी चळवळ उभारली आहे. त्याला सर्व स्तरातून उत्तम प्रतिसाद लाभत असतो. सहकारातून प्रबोधनात्मक विचार रुजविण्याचे कामही ते प्रभावीपणे करत आहेत.

सहकारी संस्थांचे प्रश्न सोडविण्यासाठी ते सातत्याने आवाज उठवित असतात. नागरी सहकारी बँकांना उत्तम व्यवस्थापनासाठी तज्ज्ञ व्यक्तींचे मार्गदर्शन उपलब्ध करुन देण्यासाठी ते प्रयत्न करित असतात. त्यातून कामकाजात सुधारणा झाली आहे. उत्तम संघटन कौशल्य हे त्यांच्यात असल्यामुळे संचालक, कर्जदार, ठेवीदार यांच्यासाठी मेळाव्यांच्या आयोजनात ते अग्रेसर असतात व प्रश्न जाणून घेतात.

बद्दल

    शेती विषयासह प्लास्टिकल्चर तंत्रज्ञानाचे व्यासंगी अभ्यासक आहेत. ठाणे जिल्ह्यातील ग्रामीण भागात प्रौढ साक्षरतेच्या प्रचार आणि प्रसारात उल्लेखनीय योगदान आहे. जुलै-2020 ते 2022 या कालावधीत महाराष्ट्र शासनाच्या अन्न महामंडळात सदस्य म्हणून नियुक्ती झाली.
    दि कल्याण जनता सहकारी बँकेचे उपाध्यक्ष म्हणून 2015 ते 2021पर्यंत उल्लेखनीय कार्य केले आहे. सध्या मार्च-2019 पासून संचालक म्हणून या बँकेत कार्यरत आहात. कल्याण जनता सहकारी बँकेने कल्याणसह परिसरात केलेलं उल्लेखनीय योगदान आणि गरजू व्यक्ती आणि संस्थांना केलेली आर्थिक मदत ही अभिमानास्पद बाब आहे.
    महाराष्ट्र प्रदेश सहकार भारती या संस्थेच्या कोकण प्रांताचे जनरल सेक्रेटरी म्हणून उल्लेखनीय योगदान दिले आहे. कोकण नागरी बँक्स असोसिएशन, कल्याण या संस्थेचे जॉईंट सेक्रेटरी म्हणून काम पाहत आहेत.
    अंबरनाथच्या महात्मा फुले नागरी सहकारी पतपेढीचे चेअरमन म्हणून कार्य करताना अंबरनाथ परिसरातील अनेक गरजूंचे संसार उभे करण्यास हातभार लावला आहे. अंबरनाथ येथील जगन्नाथ सहकारी पतपेढीच्या करवले, अंबरनाथ या मुख्य शाखेचे व्यवस्थापक म्हणून कार्य केले आहे.
    सामाजिक क्षेत्रातही उल्लेखनीय योगदान आहे. ठाणे जिल्ह्यातील करवले येथील वसुधैव कुटुंबकम अध्यात्मपीठ या संस्थेचे सहसेक्रेटरी आणि श्री शनेश्वर संस्थानचे विश्वस्त म्हणून सामाजिक, धार्मिक आणि सेवाभावी कार्यात योगदान दिले आहे. 
    सहकार क्षेत्रातील एक अभ्यासू व्यक्तिमत्त्व म्हणून संपूर्ण महाराष्ट्रात सुपरिचित आहेत.

बद्दल

मार्कंडेय नागरी कं. बँक लि., नांदेड, संस्थेचे गेली २४ वर्षे संचालक म्हणून कार्यरत आहे आणि चेअरमन म्हणून 20 वर्षांची यशस्वी कारकीर्द आहे. बँकिंग प्रश्नांची उत्तम माहिती आणि ते सोडवण्याची सततची तयारी यामुळे सहकारातील लोकाभिमुख कार्यकर्ता म्हणून त्यांची ओळख आहे. महाराष्ट्र स्टेट बँक्स असोसिएशनचे संचालक म्हणून काम करताना त्यांनी नागरी बँकांना सुविधा दिल्या आहेत. सहकार आणि सामाजिक बांधिलकी यांची सांगड घालून ते तळागाळातील अनेक समस्या सोडवत आहेत. त्याचबरोबर ते पद्मशाली प्रतिष्ठान या सेवाभावी संस्थेचे गेली १५ वर्षे अध्यक्ष आणि अखिल भारतीय पद्मशाली संगम, हैदराबादचे मराठवाडा उपाध्यक्ष आणि भारतीय शिक्षण प्रसारक संस्था, अंबाजोगाई (बीड) चे संचालक आहेत. . नांदेड येथील द क्लॉथ मर्चंट्स वेलफेअर असोसिएशन या व्यापारी संघटनेचे संचालक म्हणून ते महत्त्वाचे काम करत आहेत. सहकार आणि सामाजिक क्षेत्राशी त्यांची अतूट बांधिलकी आहे

बद्दल

डॉ. पंजाबराव देशमुख अर्बन को-ऑप. बँक लि., अमरावतीचे गेल्या १० वर्षांपासून संचालक असून १ वर्ष उपाध्यक्ष व ४ वर्षांपासून अध्यक्ष म्हणून आहे. सहकाराबरोबरच केंद्र शासनाच्या समितीवर त्यांनी काम केले असून सामाजिक न्याय विभागाच्या जिल्हा दक्षता व नियंत्रण समितीवर त्यांची नियुक्ती झाली आहे. अर्थ क्षेत्रातील बदलत्या धोरणांवर मार्गदर्शन करत असतात.

सहकाराबरोबरच शैक्षणिक, सामाजिक व क्रिडा क्षेत्रात त्यांचे योगदान असून युवाशक्ती सामाजिक व शैक्षणिक संस्थेचे ते सचिव आहेत. युवक क्रिडा मंडळाचे सचिव असून अमरावती जिल्हा देशी कबड्डी असोसिएशनचे कोषाध्यक्ष आहेत.

युवा चळवळीसाठी त्यांच्या व्यक्तिमत्त्व विकासासाठी अनेक शिबिरांचे ते आयोजन करत असतात. स्पर्धा परीक्षांमध्ये ग्रामीण युवकांचा सहभाग वाढावा, त्यात यशस्वी व्हावे यासाठी पुस्तके उपलब्ध करुन देणे, मार्गदर्शनपर व्याख्याने आयोजित करणे असे उपक्रम राबवित असतात. कबड्डी असोसिएशनच्या माध्यमातून गुणवंत खेळाडूंना भरीव मदत व प्रशिक्षकांकडून मार्गदर्शन उपलब्ध करुन देतात.

बद्दल

    सामाजिक, शैक्षणिक, सहकार, बँकिंग आणि राजकीय क्षेत्रामध्ये आपल्या कार्यकर्तृत्वाने ठसा उमटविलेला आहे. 1991 मध्ये सर्वप्रथम हिंगोली नगरपरिषदेत नगरसेवक म्हणून कारकीर्दीला प्रारंभ झाला. 1996 मध्ये नगरसेवक म्हणून पुन्हा निवडून आल्यानंतर उपाध्यक्षपदही भूषविले. 2000 आणि 2005 या पंचवार्षिकमध्येही नगरसेवकपदी विराजमान झालेत. 2005 आणि 2011 मध्ये हिंगोलीचे नगराध्यक्ष म्हणून तसेच 2016 मध्ये नगरपरिषदेमध्ये उपनगराध्यक्ष म्हणून शहर विकासासाठी केलेले प्रयत्न निश्चितच अभिमानास्पद आहे.
    महाराष्ट्र स्टेट हाऊसिंग फायनान्स लिमिटेड, मुंबई या अग्रगण्य संस्थेत 2001 मध्ये संचालक म्हणून कार्याला प्रारंभ केला. 2009मध्ये या अग्रगण्य संस्थेचे अध्यक्षपदही भूषविले. 2022 पासून हिंगोली जिल्ह्यातील अग्रगण्य नागनाथ को-ऑपरेटिव्ह बँकेचे संचालक म्हणून कार्यरत आहेत.
    शैक्षणिक क्षेत्रातही उल्लेखनीय योगदान दिले आहे. हिंगोलीतील शास्त्रीनगर भागात असणार्‍या ज्ञानसागर शिक्षण संस्थेचे अध्यक्ष म्हणून विविध ज्ञानमंदिरांची स्थापना केली आहे. तसेच नांदापूर येथे माध्यमिक व उच्च माध्यमिक शाळा आणि महाविद्यालय, तसेच हिंगोली शहरातील लिटिल फ्लॉवर इंग्लिश स्कूल आणि स्माईल फेस इंग्लिश स्कूल, हनुमाननगर, ज्ञानगंगा इंग्लिश स्कूल, कनेरगाव (नाका) या शैक्षणिक संस्थांच्या माध्यमातून प्रयोगशील जाणिवेतून शैक्षणिक क्षेत्रात प्रभावीपणे कार्य करीत आहेत. हिंगोली जिल्ह्यातील भांडेगाव येथील जिजामाता शिक्षण संस्थेचे कोषाध्यक्षपद भूषवत आहेत, हे निश्चितच नवा विचार देणारे आहे.
    सहकार क्षेत्रातील एक अभ्यासू व्यक्तिमत्त्व म्हणून संपूर्ण महाराष्ट्रात सुपरिचित आहेत. 

बद्दल

श्रीमंत मालोजीराजे सहकारी बँक लि., फलटणच्या संचालक म्हणून चार वर्षांपासून कार्यरत असून उपाध्यक्ष म्हणून ३ महिने कार्यभार सांभाळला आहे. सहकार क्षेत्राबरोबरच विविध सामाजिक उपक्रमातही त्यांचा सहभाग असतो. त्यात महिला बचत गटातील सुमारे चार हजार महिलांना प्रशिक्षण देण्यात त्यांनी पुढाकार घेतला आहे.

साखर कारखान्यांसाठी वित्तीय नियोजन करण्यासाठी विशेष प्रयत्न केलेले आहेत. सहभाग कर्ज योजनेचा अवलंब करण्यासाठी विशेष रूची आहे. सहकार क्षेत्रातील महिला कर्मचाऱ्यांसाठी आरोग्यविषयक जागृती होण्यासाठी आरोग्य तपासणी शिबीरांचे आयोजन त्या वेळोवेळी करीत असतात. तसेच बँकिंग क्षेत्रातील कर्मचाऱ्यांसाठी क्रिडा स्पर्धेच्या आयोजनात त्यांचा मोलाचा सहभाग आहे. रमा प्रकाशनातर्फे 'उत्कृष्ट बँकर' म्हणून 'आदिशक्ती पुरस्कार' देऊन सन्मानित करण्यात आलेले आहे.

नागरी सहकारी बँकांमध्ये महिलांचा सहभाग वाढावा, त्यांना बँकांच्या माध्यमातून पतपुरवठा उपलब्ध व्हावा व त्यांनी स्वयंरोजगार सुरु करुन स्वावलंबी व्हावे, याविषयी शिबिरांच्या माध्यमातून मार्गदर्शन करत असतात. शहरी व महानगरातील बाजारपेठेकडे महिलांनी अधिकाधिक लक्ष केंद्रीत करावे व गुणवत्तापूर्ण मालाचे उत्पादन करावे, याविषयी त्या आग्रही आहेत

बद्दल

बद्दल

    अर्थशास्त्राचे व्यासंगी अभ्यासक म्हणून आपण सुपरिचीत आहात. त्याचबरोबर ‘सहकारी बँकिंग’ या विषयावर संशोधन करून आपण ‘विद्यावाचस्पती’ (पीएच.डी.) पदवी संपादन केली आहे.
    अनुभवी वाटचालीत बँकिंग क्षेत्रातील उल्लेखनीय योगदानामुळे 1977 ते 1993 या दीर्घ कालावधीत  महाराष्ट्र राज्य सहकारी बँकेचे संचालक म्हणून कार्य केले आहे. दि महाराष्ट्र स्टेट को-ऑपरेटिव्ह बँक्स असोसिएशनचे सन 1993 ते 2015 पावेतो मुख्य कार्यकारी अधिकारी म्हणून अतिशय तळमळीने कार्य केले आहे. संस्थेचा नावलौकिक वाढविण्यात नेहमीच पुढाकार घेतला आहे. त्यानंतर अनुभवाचा लाभ संस्थेला मिळावा म्हणून सन 2015 पासून आजतागायत दि महाराष्ट्र स्टेट को-ऑपरेटिव्ह बँक्स असोसिएशनचे तज्ज्ञ संचालक आहेत. त्याचबरोबर अग्रगण्य सारस्वत को-ऑपरेटिव्ह लि., मुंबईचे डिसेंबर 2021 ते आत्तापर्यंत व्यवस्थापकीय मंडळावर संचालक आहेत. या क्षेत्रातील अधिकारी व्यक्ती म्हणून रिझर्व्ह बँक ऑफ इंडियाच्या एसएलआर कमिटी फॉर अर्बन को-ऑप. बँका, महाराष्ट्र शासनाची सहकार विभागाची लेखापरीक्षण समिती, महाराष्ट्र शासनाच्या उत्कृष्ट बँक पुरस्कार निवड समिती या संस्थांवरही सदस्य म्हणून योगदान उल्लेखनीय आहे.
    सहकार विभागाचा व्यासंग जपल्याने कमकुवत जिल्हा मध्यवर्ती सहकारी बँकांसाठी समिती, जिल्हा मध्यवर्ती सहकारी बँक आणि नागरी सहकारी बँकेच्या उपविधी समिती (महाराष्ट्र शासन) मध्ये सदस्य म्हणून कार्य करत असताना उत्तम कार्य केले आहे.
    सहकार आणि बँकिंग क्षेत्रातील अभ्यासू वृत्तीचा गौरव करत आपणास कोपरगाव पीपल्स को-ऑपरेटिव्ह बँक लि., परिवर्तन अर्बन को-ऑपरेटिव्ह बँक लि., मुंबई, सांगली सहकारी बँक लि., मुंबई, अकोला जिल्हा मध्यवर्ती सहकारी बँक लि. या संस्थांवर तज्ज्ञ संचालक म्हणून कार्य करण्याची संधी लाभली आहे. तसेच सीकेपी को-ऑपरेटिव्ह बँक लि. मुंबईसाठी महाराष्ट्र शासनाकडून नियुक्त करण्यात आलेल्या प्रशासकीय मंडळाचे सदस्य म्हणूनही योगदान आहे.
    परिवर्तन अर्बन को-ऑपरेटिव्ह बँक लि., मुंबई, लक्ष्मी कृपा अर्बन को-ऑपरेटिव्ह बँक लि., पुणे, गडचिरोली अर्बन को-ऑपरेटिव्ह बँक लि., सह्याद्री अर्बन को-ऑपरेटिव्ह बँक लि., रत्नागिरी, सिंधुदुर्ग अर्बन को-ऑपरेटिव्ह बँक लि., मालाड अर्बन को-ऑपरेटिव्ह बँक लि., मुंबई या नवीन नागरी सहकारी बँकांचा अभ्यासपूर्ण प्रकल्प अहवाल तयार छाप पाडली आहे.
    पीएच. डी. च्या विद्यार्थ्यांसाठी मार्गदर्शक म्हणून नियुक्ती झाली आहे. त्यांच्या मार्गदर्शनाखाली आजपर्यंत 7 विद्यार्थ्यांना पीएच. डी. प्राप्त झाली आहे, हे खरोखरच अभिनंदनीय आहे. शारदा शिक्षण सेवा समिती, गावदेवी, मुंबई या संस्थेचे सचिव म्हणून उत्तम शैक्षणिक कार्य करत आहेत. सहकार क्षेत्रातील एक अभ्यासू व्यक्तिमत्त्व म्हणून संपूर्ण महाराष्ट्रात सुपरिचित आहेत.

बद्दल

    एक शिक्षक, बँकर, वक्ता, अभिनेता, कवी, गायक, लेखक आणि सामाजिक कार्यकर्ता असणारे उत्तुंग बहुआयामी व्यक्तिमत्त्व आहे. शिकत असताना वयाच्या 18व्या वर्षी एका खाजगी संस्थेत गणिताचे शिक्षक म्हणून कारकिर्दीला प्रारंभ केला.
     वयाच्या 30व्या वर्षी इतर सहशिक्षकांसोबत 1970 मध्ये विवेकानंद क्लासेसची स्थापना केली आणि 50 वर्षांहून अधिक काळ त्याचे व्यवस्थापन करत आहेत. या माध्यमातून हजारो विद्यार्थ्यांना यशस्वी मार्गदर्शन केले आहे. दूरदर्शन आणि इतर इलेक्ट्रॉनिक माध्यमांवरील अनेक शैक्षणिक कार्यक्रम आणि चर्चांमध्ये सक्रिय सहभाग घेतला.
    बँकिंग क्षेत्रातील योगदान उल्लेखनीय आहे जगभरातील नावाजलेल्या सारस्वत को-ऑप बँकेचे उपाध्यक्ष, अध्यक्षपदही भूषविले असून सध्या संचालक म्हणून कार्यरत आहेत. डेक्‍कन मर्चंट्स को-ऑप. बँकेचे माजी उपाध्यक्ष, मुंबई व्यापारी सहकारी क्रेडिट सोसायटीचे माजी चेअरमन आणि बृहन्मुंबई नागरी सहकारी बँक असोसिएशनचे माजी अध्यक्ष म्हणून काम पाहिले असून असोसिएशनच्या व्यवस्थापकीय समितीचे सदस्य आहेत.
    मुंबई मराठी साहित्य संघ, गिरगाव या अग्रगण्य साहित्य संस्थेचे मानद सदस्य आहात. अखिल भारतीय मराठी साहित्य महामंडळाच्या संमेलन निधी ट्रस्टचे मॅनेजिंग ट्रस्टी आहेत. तसेच 4000 सदस्य असलेल्या मराठी व्यावसायिक, व्यापारी मित्र मंडळाचे चेअरमनपदही भूषविले आहे.
    मा. राज्यपाल यांनी मुंबई विभागाच्या महाराष्ट्र रेडक्रॉस सोसायटीच्या सदस्य म्हणून नियुक्ती केली होती. मोतीबेन दळवी हॉस्पिटल, मुंबई येथे सारस्वत ब्राह्मण समाजाद्वारे विश्वस्त म्हणून नामांकित झालेत. जी.एस.बी.टेम्पल ट्रस्टच्या विश्वस्तांपैकी एक म्हणून काही वर्षे संबंध होता. सारस्वत-ब्राह्मण समाज, गिरगाव, सारस्वत-चैतन्य ट्रस्ट, मुंबईशी  संबंधित आहेत.
    सहकार क्षेत्रातील एक अभ्यासू व्यक्तिमत्त्व म्हणून संपूर्ण महाराष्ट्रात सुपरिचित आहेत.

बद्दल