पगारदार नोकरांची नागरी सहकारी बँक

Details

थोर शिक्षणमहर्षी पद्मभूषण कर्मवीर डॉ. भाऊराव पाटील यांनी स्थापन केलेल्या महाराष्ट्रातील अग्रगण्य रयत शिक्षण संस्थेतील सेवकांसाठी सन 1949 मध्ये स्थापन करण्यात आलेल्या आणि गेल्या आठ दशकांपेक्षा अधिक काळापासून सभासदांच्या सर्वांगीण हितासाठी कार्यरत असणारी आपली बँक. बँकेने आपल्या विभागीय कार्यक्षेत्रातून सभासद आणि ग्राहकांसाठी मेळावे आयोजित केलेले आहेत. याप्रसंगी सभासदांच्या विशेष गुणवत्ताधारक पाल्यांचा सत्कारही आयोजित केला जातो. रयत शिक्षण संस्थेचे संस्थापक पद्मभूषण कर्मवीर डॉ.भाऊराव पाटील यांच्या जयंतीदिनी विविध रुग्णालयांतील रुग्णांना आणि मुला-मुलींच्या वस्तीगृहातील मुलांना फळवाटप करून आरोग्यदायी शुभेच्छा देण्यात येतात, तसेच वस्तीगृहातील मुला-मुलींना गणवेशाकरिता आर्थिक मदतही बँक करत असते. रयत शिक्षण संस्थेत शिक्षण घेणार्या अनाथ मुलींना आर्थिक मदत करून सामाजिक बांधीलकी जोपासली जाते. बँकेने महिला सभासदांसाठी घरबांधणी कर्जामध्ये 0.50 टक्के सवलत देऊन त्यांचेही गृहस्वप्न साकार केले आहे. गृहसमृद्धी कर्ज योजना, नवीन टॉपअप (घरबांधणी) कर्ज योजना अशा विविध नव्या योजनांना बँकेच्या ग्राहकांनी उत्तम प्रतिसाद दिला आहे. बँक ब्ल्यू रिबन, दि पुणे जिल्हा नागरी सहकारी बँक्स असोसिएशन, कर्नाड बँकिंग रिसर्च अँड डेव्हलपमेंट फाउंडेशन, अविज् पब्लीकेशन्सचा बँको पुरस्कार, ग्रीन वर्ल्ड पब्लिकेशन्स ग्रीन वर्ल्ड समर्पण पुरस्कार हे बँकेच्या वाटचालीसाठी पथदर्शक आहेत. अशा मान्यवर संस्थांनी आपणास विविध पुरस्कार देऊन गौरविले आहे.

Details

विद्या आणि संस्कृतीचे माहेरघर असणार्या पुणे महानगरपालिकेसारख्या अग्रगण्य संस्थेतील सेवेत असणार्या सभासदांचे हित जोपासत ‘एकमेकां सहाय्य करू। अवघे धरू सुपंथ॥’ हे ब्रीद घेऊन शतकोत्तर दशक वर्षात पदार्पण केले आहे. कामगारांकडून कामगारांच्या कल्याणाकरिता कार्यरत असणार्या आपल्या बँकेने सहकार क्षेत्र आणि सहकार चळवळीमध्ये नावलौकिक प्राप्त केला आहे. संस्थेचा वैभवशाली वारसा जोपासून, सभासदांच्या अडीअडचणीत त्यांना वेळेत कर्जपुरवठा करत त्यांना विविध योजनांच्या माध्यमातून बचतीची सवयही लावली आहे. सामाजिक जबाबदारीच्या भावनेने दिव्यांग आणि अंध बांधवांना संस्थेने आर्थिक स्वरूपात मदत केली आहे. बँकेच्या सभासद आणि सेवकांच्या गुणवंत पाल्यांचा गुणगौरव केला आहे. सांस्कृतिक क्षेत्रात प्रबोधनात्मक उपक्रम राबवले आहेत, त्याचबरोबर पुण्यनगरीमध्ये येणार्या संतश्रेष्ठ ज्ञानेश्वर माऊली आणि जगद्गुरु तुकाराम महाराजांच्या पालखींचे यथोचित स्वागत दरवर्षी आदरपूर्वक करण्याचा पायंडा बँकेने कित्येक वर्षापासून राबवला आहे. बँकेने सभासदांना तत्पर सेवा देत बँकेचे दैनंदिन कामकाज उत्कृष्टपणे सुरू ठेवले आहे. विशेषत: बँकेचे सभासद, ठेवीदार, खातेदार, हितचिंतक यांच्याकडून बँकेच्या सर्वांगीण प्रगतीकरता सुचविलेल्या सूचनांचीसुद्धा दखल बँक व्यवस्थापनाने घेतली आहे, अशा पद्धतीने बँकेचे व्यवस्थापन एकत्रितपणे बँकेच्या प्रगतीकरता सातत्याने कार्य करत आहे. मानवाचे कल्याण करणार्या अनेक समाजाभिमुख योजना आपण राबवल्या असून तळागाळापर्यंत बँकिंग नेण्याच्या प्रयत्नांचा आपला तो भाग आहे. त्यामुळे बँकेची वाटचाल आधुनिक विचारांना सोबत घेऊन प्रगतीपथाकडे होत आहे. संचालक मंडळ, अधिकारी, कर्मचारी यांच्या समन्वयातून आदर्श बँकिंगकडे बँकेची वाटचाल लक्षवेधी आहे.